Vágs Kvøldskúli eitt týðandi frítíðar- og mentunartilboð

Millum mongu frítíðar- og mentunartilboðini í Vágs kommunu, er Vágs Kvøldskúli, sum vetrarhálvuna hvørt ár bjóðar fram eina røð av tilboðum til fólk í nærumhvørvinum og í Suðuroynni sum heild.

Sølvi Andreasen hevur í nógv ár verið leiðari fyri Vágs Kvøldskúla og hevur staðið á odda í menningini av einum spennandi og sera týðandi frítíðar- og mentunartilboði í Vágs kommunu.

Sølvi greiður frá, at í vetur hava fleiri enn 100 fólk verið á nógvu ymisku skeiðunum hjá kvøldskúlanum, sum fevna um seyming/handarbeiði, veving, glaslist, smíð, tónleik, dugnaskapsroynd, koyrikort til prutl, ættargransking, føroyskt fyri útlendingar, skeið fyri orðblindum, ítróttartilboð fyri fólk, sum bera brek os.fr.

Kvøldskúlaárið endar, sum vant, við einari stórari framsýning í Vágs Skúla og verður sjálvsagt lýst, tá hetta verður á skrá, sigur Sølvi Andreasen, kvøldskúlaleiðari.

Á heimasíðuni hjá Vágs kommunu, www.vagur.fo eru fleiri myndir.

Kelda: www.vagur.fo

Facebook viðmerkingar