Á teknisku deild er starv sum maskinfólk leyst at søkja til byrjan skjótast gørligt
Arbeiðsuppgávur
Arbeiðsuppgávurnar fevna millum annað um viðlíkahald, umvæling og optimering av tekniskari útgerð á virkinum.
Førleikakrøv
Til starvið krevst í minsta lagi útbúgving sum maskinsmiðjur.
Sum persónur ert tú væl skipað/ur, støðug/ur, tekur við ábyrgd og megnar bæði at arbeiða sjálvstøðugt og í tvørfagligum toymum. Eisini hevur tú ein jaligan hugburð til uppgávurnar og viðvirkar til gott samstarv við starvsfelagar.
Setanarviðurskifti
Maskinfólkið starvast í vaktum á 12 tímar, skiftivís á dag- og náttarvakt. Tá ongin framleiðsla er, verður arbeitt vanliga dagtíð.
Starvið er tímalønt og verður sett eftir avvarðandi faksáttmála.
Av praktiskum áðum, so skal tann, ið settur verður, annahvørt búgva fast í Suðuroy ella vera sinnaður at flyta til Suðuroy.
Umsókn
Umsókn við avritum av prógvum, CV og møguligum viðmælum verða send í telduposti til fgp@vardin.fo ella sum vanligt bræv til: Varðin Pelagic, Havnarlagið 11, Postrúm 68, 800 Tvøroyri, att.: Fróði Petersen.
Umsóknarfreistin er mikudagin 20. juni 2018 kl. 16.00.
Allar umsóknir verða viðgjørdar í trúnaði.
Nærri kunning um starvið
Nærri kunning um starvið fæst við at venda sær til Fróða Petersen, tekniska leiðara á tlf. 291780 ella fgp@vardin.fo ella Jón Næs, formann fyri maskinfólk á tlf. 291781 ella jona@vardin.fo
Facebook viðmerkingar