Vágbingur professari á Syddansk universitet

Magni Mohr, sum er dekanur og lektari í heilsuvísindum á deildini fyri heilsu- og sjúkrarøktarvísindi á Fróðskaparsetrinum, er júst tilnevndur professari innan úrvalsfótbólt á Syddansk Universitet, deildini, sum eitur Institut for Idræt og Biomekanik.

Tað boðar Syddansk Universitet frá í tíðindaskrivi, sum er sent út í dag umvegis Ritzau.

Universitetið fegnast um, at gransking í úrvalsfótbólti á Syddansk Universitet nú verður styrkt við Magna Mohr atknýttum.

Magni verður lýstur sum ein altjóða viðurkendur granskari í arbeiðsfysiologi, sum hevur skrivað langt yvir hundrað vísundaligar greinar. Hann er millum heimsins leiðandi granskarar innan fótbólt og venjing av fótbóltsspælarum.

Facebook viðmerkingar