Tabletop Suðuroy: Í Januar 2025 flytur Tabletop Suðuroy inn í nýggj hølir í Vági. Vit hava seinastu mánaðirnar hildi til í Skótahúsinum, har vit hava fingu góða hjálp og sømdir frá skótaliðnum Royndin.
Fyri at kunna betri folda okkum út og kunna bjóða tað fram, sum vit arbeiða fram ímóti, krevur tað meira pláss, og helst egin hølir.
Hetta hava vit fingið atgongd til nú, takka verið Vágs Kommunu.
Framyvir verða vit at finna í fyrrverandi El-handlinum hjá Gudmund Larsen, í Vági. Hetta verður stórt fyri virksemi okkara, har vit hava betur pláss, goymslu og stendur tað okkum frítt, at inrætta hølini eftir ynski og tørvi.
Higartil hava vit fyri tað mesta spælt og lært onnur at spæla Warhammer, men nú ynskja vit at víðka um møguleikarnar og útboði av borðspølum v.m. Hetta verður gjørt saman við høvuðsfelagið okkara, Tabletop Føroyar, sum eru ein aktivur viðspælari og góður stuðul í arbeiði okkara.
Vit vilja víðka um og bjóða fram fleiri fjølbroyttar spæl møguleikar, hvørt tað er borðspøl, rolluspøl, samlukortspøl ella miniaturspøl.
Hetta merkir eisini, at vit leita eftir bæði nýggjum limum og ábyrgdarum, sum hava áhuga í, at verða við til at byggja hetta spennandi nýggja virksemi upp. Øll eru vælkomin, Børn, ung og vaksin, og hetta tilboði er til allar suðuroyingar.
- Limagjaldi er Kr 100,- árliga, og gevur hetta tær fleiri fyrimunir.
- Melda teg sum lim á www.tabletop.fo
- Er okkurt spæl, sum tú hevur serligan áhuga fyri, og kundi hugsa tær at víst/lært øðrum, ert tú vælkomin at seta teg í samband við okkum, soleiðis at vit kunna bjóða fleiri fjølbroytt spøl fram.
- Ábyrgdarar eru vaksin fólk, sum varða av hølunum og tryggja, at vit kunna hava opið longur og oftari.
Send okkum eini boð, um hetta hevur tín áhuga.
Vegna Tabletop Suðuroy
Sammi Djurhuus
Louis Herason
Magnus Mørk Hjelm
Facebook viðmerkingar