{"id":21787,"date":"2022-04-23T08:42:49","date_gmt":"2022-04-23T07:42:49","guid":{"rendered":"https:\/\/sudurras.fo\/?p=21787"},"modified":"2022-04-23T08:58:18","modified_gmt":"2022-04-23T07:58:18","slug":"ferdast-vid-sama-lag-til-dialysu-vidgerd-i-havn","status":"publish","type":"post","link":"https:\/\/sudurras.fo\/?p=21787","title":{"rendered":"Fer\u00f0ast vi\u00f0 sama lag til dialysuvi\u00f0ger\u00f0 \u00ed Havn"},"content":{"rendered":"\n
\"\"
Magni Augustinussen og Nor\u00f0leif vi\u00f0 Kr\u00f3gv<\/figcaption><\/figure>\n\n\n\n

<\/p>\n\n\n\n

Fyri einum l\u00edtlum \u00e1ri s\u00ed\u00f0ani skriva\u00f0u vit um Magna Augustinussen \u00far V\u00e1gi, sum t\u00e1 var ein av tveimum su\u00f0uroyingum, sum fleiri dagar um vikuna fer\u00f0ast til Havnar \u00e1 Landssj\u00fakrah\u00fasi\u00f0 \u00ed dialysu-vi\u00f0ger\u00f0 orsaka av n\u00fdrasj\u00faku.<\/p>\n\n\n\n

St\u00f8\u00f0an hj\u00e1 Magna og hinum su\u00f0uroyingunum, sum hava n\u00fdrasj\u00faku \u2013 og n\u00fa eru teir fleiri \u2013 er onki broytt. St\u00f3rur partur av teirra l\u00edvi\u00f0 fer\u00f0 vi\u00f0 fer\u00f0ing og b\u00ed\u00f0it\u00ed\u00f0 til eina dialysu-vi\u00f0ger\u00f0, sum tekur 4 t\u00edmar hv\u00f8rja fer\u00f0.<\/p>\n\n\n\n

Magni greiddi \u00ed mai m\u00e1na\u00f0 \u00ed fj\u00f8r fr\u00e1, at \u201ceg havi ta\u00f0 ok, men eg havi onki l\u00edv!\u201d. \u00cd l\u00f8tuni eru ta\u00f0 tr\u00edggir su\u00f0uroyingar, sum hv\u00f8rja viku, fleiri dagar um vikuna fer\u00f0ast til Havnar \u00ed dialysuvi\u00f0ger\u00f0 \u2013 og \u00ed n\u00e6stum ver\u00f0a teir v\u00e6ntandi f\u00fdra.<\/p>\n\n\n\n

\u00cd vikuni fingu vit umbor\u00f0 \u00e1 einum av \u00f3teljandi t\u00farunum umbor\u00f0 \u00e1 Smyrli eitt pr\u00e1t vi\u00f0 tveir teirra, Magna Augustinussen \u00far V\u00e1gi og Nor\u00f0leif vi\u00f0 Kr\u00f3gv \u00far Hvalba.<\/p>\n\n\n\n

Magni grei\u00f0ur fr\u00e1, at hann n\u00fa fer\u00f0ast f\u00fdra dagar um vikuna til Havnar \u00ed dialysu. Innihaldi\u00f0 \u00ed l\u00edvinum hj\u00e1 m\u00e6r fevnir \u00ed l\u00f8tuni einamest um at fer\u00f0ing \u00far V\u00e1gi til Krambatanga, vi\u00f0 Smyrli til Havnar og so \u00ed dialysuvi\u00f0ger\u00f0. T\u00e1 eg orki og ta\u00f0 passar vi\u00f0 fer\u00f0a\u00e6tlanini, so gongur lei\u00f0in su\u00f0ur sama dag \u2013 eg b\u00fagvi j\u00fa \u00ed V\u00e1gi og eigi h\u00fas \u00ed V\u00e1gi \u2013 ella liggi eg n\u00e1tt \u00ed Havn \u00ed kamari, sum eg havi leiga\u00f0. -Og ja, ta\u00f0 er ikki l\u00e6tt f\u00edggjarliga at f\u00e1a endarnar at hanga saman, t\u00e1 man hevur \u201cdupult h\u00fasarhald\u201d og ikki er arbei\u00f0sf\u00f8rur, sigur Magni.<\/p>\n\n\n\n

Eg havi l\u00edtla og onki anna\u00f0 innihald \u00ed l\u00edvinum enn fer\u00f0ing til og fr\u00e1 dialysuvi\u00f0ger\u00f0 og so b\u00ed\u00f0it\u00ed\u00f0, t\u00ed ta\u00f0 er j\u00fa ikki landfast til Su\u00f0uroyar, so eg kann ikki fara og koma t\u00e1 eg vil, sigur Magni.<\/p>\n\n\n\n

Nor\u00f0leif vi\u00f0 Kr\u00f3gv \u00ed Hvalba fer\u00f0ast eisini til Havnar \u00ed dialysu vi\u00f0ger\u00f0. \u201cEg kl\u00e1ri meg \u00ed l\u00f8tuni vi\u00f0 at fara \u00ed dialysuvi\u00f0ger\u00f0 tveir dagar um vikuna\u201d, sigur Nor\u00f0leif. Men hendan st\u00f8\u00f0an er ikki haldbar\u00f0, so eg eri uppskriva\u00f0ur til eina \u00edb\u00fa\u00f0 \u00ed Havn, sum er handikapp-vinarlig, sigur Nor\u00f0leif, sum situr \u00ed koyrist\u00f3li. Men eg vildi ynskt, at ta\u00f0 bar til at fingi\u00f0 dialysu-vi\u00f0ger\u00f0 \u00e1 Su\u00f0uroyar Sj\u00fakrah\u00fasi, eg b\u00fagvi j\u00fa \u00ed Hvalba og ta\u00f0 eru har \u00f8ll m\u00edni k\u00e6ru eru \u2013 og vi\u00f0 n\u00fdggja Hvalbiartunlinum eru ta\u00f0 bara 8 minuttir upp \u00e1 Tv\u00f8royri, so ta\u00f0 hev\u00f0i veri\u00f0 heilt fantastiskt \u00ed mun til fer\u00f0ingina til Landssj\u00fakrah\u00fasi\u00f0 \u00ed Havn, sigur Nor\u00f0leif.<\/p>\n\n\n\n

<\/p>\n\n\n\n

Hvat er eitt l\u00edv vert?<\/strong><\/p>\n\n\n\n

\u00cd n\u00e6stum ver\u00f0a ta\u00f0 v\u00e6ntandi f\u00fdra su\u00f0uroyingar, sum fleiri dagar hv\u00f8rja viku skulu fer\u00f0ast til dialysuvi\u00f0ger\u00f0 \u00e1 Landssj\u00fakrah\u00fasinum \u00ed Havn. Tveir teirra \u2013 Magni og Nor\u00f0leif \u2013 grei\u00f0a fr\u00e1, hvussu teir hava l\u00edti\u00f0 innihald \u00ed l\u00edvinum anna\u00f0 enn at fer\u00f0ing, dialysuvi\u00f0ger\u00f0 og b\u00ed\u00f0it\u00ed\u00f0.<\/p>\n\n\n\n

L\u00edti\u00f0 er at ivast \u00ed, at l\u00edvsg\u00f3\u00f0skan er neiliga \u00e1virka\u00f0 av n\u00fdrasj\u00fakuni, men harumframt er n\u00fdrasj\u00faklingar \u00ed Su\u00f0uroynni \u00ed einari serligari st\u00f8\u00f0u, t\u00ed teir dag um dag noy\u00f0ast at fer\u00f0ast til dialysuvi\u00f0ger\u00f0 \u00ed Havn.<\/p>\n\n\n\n

Vi\u00f0 einum tilbo\u00f0i um dialysuvi\u00f0ger\u00f0 \u00e1 Su\u00f0uroyar Sj\u00fakrah\u00fasi hev\u00f0i l\u00edvsg\u00f3\u00f0skan hj\u00e1 n\u00fdrasj\u00faklingum \u00ed Su\u00f0uroynni blivi\u00f0 fleirfalt betri fr\u00e1 einum degi til annan!<\/p>\n\n\n\n

Sj\u00e1lv dialysu-\u00fatger\u00f0in er ikki ein st\u00f3r \u00edl\u00f8gu og er spurningur um j\u00e1ttan. Umframt \u00fatger\u00f0, so er t\u00f8rvur \u00e1 j\u00e1ttan til ein serl\u00e6kna afturat \u00ed n\u00fdrasj\u00faku, solei\u00f0is at ein serl\u00e6kni kann hava \u00e1byrgd av dialysuvi\u00f0ger\u00f0ini \u00e1 Su\u00f0uroyar Sj\u00fakrah\u00fasi.<\/p>\n\n\n\n

Fyri n\u00fdrasj\u00faklingarnar \u00ed Su\u00f0uroynni, teirra avvarandi og vinf\u00f3lk teirra, er spurningurin um hvat eitt l\u00edv er vert ofta \u00e1 lofti. \u00cd l\u00f8tuni er gerandisdagurin hj\u00e1 n\u00fdrasj\u00faklingum \u00ed Su\u00f0uroynni, sum fer\u00f0ast til dialysuvi\u00f0ger\u00f0 \u00ed Havn, vi\u00f0 avmarka\u00f0um innihaldi og vi\u00f0 skerdari l\u00edvsg\u00f3\u00f0sku.<\/p>\n\n\n\n

Greinin heldur \u00e1fram undir myndini<\/em><\/p>\n\n\n\n

\"\"
Magni Augustinussen ein av mongu t\u00farunum vi\u00f0 Smyrli<\/figcaption><\/figure>\n\n\n\n

<\/p>\n\n\n\n

Taka vit st\u00f8\u00f0una hj\u00e1 Magna Augustinussen, so hev\u00f0i hann vi\u00f0 einum dialysu-tilbo\u00f0i \u00e1 Su\u00f0uroyar Sj\u00fakrah\u00fasi f\u00fdra dagar um vikuna kunna koyrt til dialysuvi\u00f0ger\u00f0 og tilsamans br\u00fakt umlei\u00f0 19 t\u00edmar um vikuna upp\u00e1 vi\u00f0ger\u00f0ina og fer\u00f0ing. \u00cd dag er st\u00f8\u00f0an hj\u00e1 Magna tann, at ein dialysuvi\u00f0ger\u00f0 m\u00e1nadagar, um hann fer\u00f0 su\u00f0uraftur m\u00e1nakv\u00f8ld, tekur tilsamans 19 t\u00edmar \u00ed fer\u00f0ing, dialysuvi\u00f0ger\u00f0 og b\u00ed\u00f0it\u00ed\u00f0.<\/p>\n\n\n\n

Lesi\u00f0 eisini:<\/p>\n\n\n\n

\n
Eg havi ta\u00f0 ok, men eg havi onki l\u00edv!<\/a><\/blockquote>