{"id":30619,"date":"2024-08-19T15:04:17","date_gmt":"2024-08-19T14:04:17","guid":{"rendered":"https:\/\/sudurras.fo\/?p=30619"},"modified":"2024-08-19T15:04:17","modified_gmt":"2024-08-19T14:04:17","slug":"viking-voyage-a-ferd","status":"publish","type":"post","link":"https:\/\/sudurras.fo\/?p=30619","title":{"rendered":"Viking Voyage \u00e1 fer\u00f0"},"content":{"rendered":"\n
\"\"<\/figure>\n\n\n\n

<\/p>\n\n\n\n

Leygardagin var\u00f0 skipa\u00f0 fyri almennum tiltaki \u00ed Salti \u00e1 Tv\u00f8royri, \u00ed sambandi vi\u00f0 at Naddoddur er farin at sigla s\u00f8guliga t\u00farin vi\u00f0 seglum til Norges. \u00c1 tiltakinum bar Siri\u00f0 Stenberg, landsst\u00fdriskvinna fram r\u00f8\u00f0u. Ni\u00f0anfyri ber til at lesa r\u00f8\u00f0una \u00ed heilum l\u00edki:<\/p>\n\n\n\n

G\u00f3\u00f0an <\/a>dagin \u00f8ll somul og hjartans t\u00f8kk fyri h\u00f8vi\u00f0 at bera fram eina kv\u00f8\u00f0u, n\u00fa tit leggja til br\u00e1ts yvir hav vi\u00f0 Naddoddi.<\/p>\n\n\n\n

Bundin er b\u00e1tleysur ma\u00f0ur!<\/p>\n\n\n\n

Ta\u00f0 sigur gamla or\u00f0ataki\u00f0, og ta\u00f0 er so v\u00edst, sum ta\u00f0 er sagt.<\/p>\n\n\n\n

B\u00e1turin hevur allar dagar veri\u00f0 tekin um fr\u00e6lsi, at flyta seg og at fara n\u00fdggjar lei\u00f0ir. B\u00e1turin er ambo\u00f0i\u00f0 til at flyta okkum fram \u00e1 lei\u00f0 b\u00e6\u00f0i so og so. Ta\u00f0 veri seg reint likamliga – at flyta okkum millum st\u00f8\u00f0 – ella pers\u00f3nliga \u00ed okkara egna l\u00edvsfari.<\/p>\n\n\n\n

F\u00e1 f\u00f3lk \u00ed heiminum mugu hava veri\u00f0 – og eru – so t\u00e6tt kn\u00fdtt at b\u00e1tinum, sum vit \u00ed F\u00f8royum. Hj\u00e1 n\u00f8krum okkara hevur b\u00e1turin veri\u00f0 atgongdin til hv\u00f8nn annan, til umheimin, til fong, til r\u00edkid\u00f8mi, sambond, menning og alt ta\u00f0, sum krevst fyri, at vit kunnu f\u00e1a eitt gott l\u00edv.<\/p>\n\n\n\n

B\u00e1turin eigur l\u00edvi\u00f0 \u00ed okkum, kunnu vit siga.<\/p>\n\n\n\n

Ofta siga vit, at F\u00f8royar eru eitt l\u00edti\u00f0 land, men telja vit okkara sj\u00f3\u00f8ki\u00f0 vi\u00f0, eru vit eitt st\u00f3rt \u00f8ki. Vit kunnu siga sm\u00e1ar oyggar \u00ed st\u00f3rum havi. Her, undir opnum himmalhv\u00e1lvi, sum tykist okkum markleyst mitt \u00fati \u00ed havinum, h\u00fasast vit sl\u00f8k 55.000 havsins b\u00f8rn. L\u00edtil \u00ed t\u00ed st\u00f3ra h\u00f8pinum, men vi\u00f0 r\u00edkari s\u00f8gu, mentan og v\u00ed\u00f0skygdum og virkisf\u00fdsnum f\u00f3lki, sum \u00fatinna alskyns kappabr\u00f8gd.<\/p>\n\n\n\n

Menniskjan hevur allar dagar veri\u00f0 drigin at havinum og n\u00fdggjum siglingarlei\u00f0um. Vit kenna ta\u00f0 fr\u00e1 s\u00f8guni um, hvussu man gj\u00f8gnum ranns\u00f3knarfer\u00f0ir fann n\u00fdggj lond, f\u00f3lk, vir\u00f0ismiklar v\u00f8rur og tilfeingi.<\/p>\n\n\n\n

Eg hoyrdi einafer\u00f0 ein siga naka\u00f0 solei\u00f0is, at skal man f\u00e1a barni\u00f0 at bl\u00edva sj\u00f3mann\/kvinnu ella naka\u00f0, sum er kn\u00fdtt at sj\u00f3num, so er ikki nokk at l\u00e6ra tey um fiskasl\u00f8g, at fiska og at sm\u00ed\u00f0a skip, men ney\u00f0ugt er at vekja alskin til havi\u00f0 \u2013 at f\u00e1a tey at leingjast eftir havinum og at vekja dreymar um havi\u00f0.<\/p>\n\n\n\n

Kanska ta\u00f0 er ta\u00f0, sum er kveikt hj\u00e1 eldhuga\u00f0a ranns\u00f3knarlei\u00f0aranum \u00e1 hesi fer\u00f0ini, sum annars er serfr\u00f8\u00f0ingur \u00ed vitl\u00edki. Og hj\u00e1 manningini og okkara egna, Livar Nysted. Hv\u00f8r veit? Samanrenningin av dreymum um havi\u00f0 og kappabr\u00f8gdum – hana pr\u00f3gva tit so r\u00edkiliga!<\/p>\n\n\n\n

Ta\u00f0 er sera gott, at tit eisini fara at hava eitt tiltak fyri sk\u00falab\u00f8rnunum. Ta\u00f0 kann uttan iva kveikja dreymar hj\u00e1 b\u00f8rnunum.<\/p>\n\n\n\n

Og n\u00fa ver\u00f0ur rigga\u00f0 til enn eina fer\u00f0 um hav. Viking Voyage er vi\u00f0 at ver\u00f0a veruleiki. Seks f\u00f3lk ymsasta\u00f0ni \u00far heimunum fara n\u00fa ranns\u00f3knarfer\u00f0 og skulu sigla lei\u00f0ina higani vi\u00f0 Naddoddi til Noregs. Siglast skal vi\u00f0 seglum \u00e1 s\u00f8guligu og v\u00edsindaligu fer\u00f0ini. Ta\u00f0 ver\u00f0ur fantastiska spennandi at fylgja tykkum \u00e1 lei\u00f0ini og fr\u00e6tta, hvat kemur burtur\u00far, og hvat tit fara at uppliva \u00e1 fer\u00f0ini.<\/p>\n\n\n\n

Vit kunnu anna\u00f0hv\u00f8rt siga, at l\u00edvi\u00f0 er fult av tilvild, ella at ta\u00f0 er ein meining vi\u00f0 \u00f8llum. T\u00ed \u00e6tlanin um hesa fer\u00f0ina er \u00edkomin, t\u00ed at ranns\u00f3knarlei\u00f0arin, Andy Fitze, \u00e1 einum av fer\u00f0um s\u00ednum leg\u00f0i lei\u00f0ina inn \u00e1 Tv\u00f8royri, og her kom samband vi\u00f0 f\u00f3lk og siglarar \u00e1 sta\u00f0num. Umvegis royndar sj\u00f3menn gj\u00f8rdi hann av at sigla vi\u00f0 seks\u00e6ringinum, Nadoddi, vi\u00f0 seglum til Noregs.<\/p>\n\n\n\n

Sigast kann, at um einki b\u00e1tafelag var her, og ongi f\u00f3lk, sum t\u00f3ku v\u00e6l \u00edm\u00f3ti Andy Fitze, ja so bleiv hesin t\u00farur ikki til veruleika. Hetta er enn eitt d\u00f8mi um t\u00fddningin av lokalum fr\u00edt\u00ed\u00f0arfelagskapum og relati\u00f3num, sum r\u00f8kkur langt \u00fat um ta\u00f0, i\u00f0 vit ofta rokna vi\u00f0, ella sum vit kunnu \u00edmynda okkum.<\/p>\n\n\n\n

Felagskapirnir eru gullverdir. Teir eru sum urtagar\u00f0ar, har ymiskt ver\u00f0ur s\u00e1tt, og sum so ella so – \u00e1 r\u00f8ttum sta\u00f0 og til r\u00e6tta t\u00ed\u00f0 \u2013 koma undan, tess betri teir ver\u00f0a r\u00f8ktir. N\u00fa s\u00edggja vit fruktirnar.<\/p>\n\n\n\n

S\u00f8guna um Naddodd kenna tey flestu. Hann var m\u00e6tur v\u00edkingur, sum b\u00fa\u00f0i \u00ed F\u00f8royum, men var \u00e6tta\u00f0ur av \u00d8gdum \u00ed Noregi. S\u00f8gan sigur, at einafer\u00f0, t\u00e1 i\u00f0 hann gj\u00f8rdi handils\u00f8rindi \u00ed Noregi, kom illve\u00f0ur \u00e1. Hann rak av lei\u00f0 og enda\u00f0i vi\u00f0 at raka land \u00ed Eystfir\u00f0i \u00ed kavave\u00f0ri. N\u00f3gvi kavin gj\u00f8rdi, at hann nevndi sta\u00f0i\u00f0, har hann kom til, Sn\u00e6land, sum seinni fekk navni\u00f0, \u00cdsland. S\u00f8gan sigur, at Naddoddur er fyrsti ma\u00f0ur, sum kom til \u00cdslands.<\/p>\n\n\n\n

Ta\u00f0 er teinurin millum F\u00f8royar og Agden\/Noregi, sum n\u00fa aftur skal siglast. S\u00f8guliga sl\u00f3\u00f0in hj\u00e1 Naddoddi skal endurskapast, og \u00e6tlanin er einans at sigla vi\u00f0 seglum. Ta\u00f0 fer at ver\u00f0a eitt st\u00f3rt bragd, sum vit \u00ed spenningi fara at fylgja.<\/p>\n\n\n\n

Eitt er at finna upp land n\u00fa \u00e1 d\u00f8gum – og ta\u00f0 rokna vit vi\u00f0, at tit gera. Men ofta hugsi eg um, hvussu gomlu v\u00edkingarnar funnu land og komu fram. Teir mugu hava goymt \u00ed s\u00e6r \u00f3metaligan v\u00edsd\u00f3m og l\u00e6ru um eitt n\u00fa stj\u00f8rnur, m\u00e1na\u00f0, hav, r\u00e1k, \u00e6ttir og siglingarlei\u00f0ir. T\u00ed vit eru langt \u00e1\u00f0renn nakra t\u00f8kni. Vit eru \u00ed v\u00edkingat\u00ed\u00f0ini, sum er fr\u00e1 \u00e1lei\u00f0 \u00e1r 700 til \u00e1r 1000. S\u00f8gan sigur, at Naddoddur fann \u00cdsland \u00e1lei\u00f0 \u00e1r 860. Ikki so mong \u00e1r aftan\u00e1, at Gr\u00edmur Kamban setti f\u00f3tin \u00e1 land \u00ed F\u00f8royum.<\/p>\n\n\n\n

V\u00edkingat\u00ed\u00f0in er serst\u00f8k og hevur st\u00f3ran s\u00f8guligan t\u00fddning fyri okkum. Ta\u00f0 eru eisini n\u00f3gv tekin \u00ed s\u00f3l og m\u00e1na\u00f0 um, at n\u00fat\u00ed\u00f0armenniskja er hugtiki\u00f0 av s\u00f8guni um v\u00edkingat\u00ed\u00f0ina. Vit s\u00edggja ta\u00f0 \u00ed hesi siglingarfer\u00f0ini vi\u00f0 Naddoddi, og vit s\u00edggja ta\u00f0 \u00ed v\u00edkingafelagsskapum, \u00ed t\u00f3nleiki, handverki og \u00f8\u00f0rum. V\u00edkingat\u00ed\u00f0in er, umframt s\u00f8guliga j\u00f8r\u00f0hildi\u00f0, t\u00fd\u00f0andi partur av fer\u00f0avinnu og upplivingum \u00ed n\u00f3gvum londum. Vit \u00ed F\u00f8royum hava fram\u00far m\u00f8guleikar at gera ta\u00f0 sama. Felagi\u00f0 V\u00eckingaskipi\u00f0 \u00ed Hovi hevur st\u00f3rar \u00e6tlanir hesum vi\u00f0v\u00edkjandi, sum vit v\u00f3na koma \u00e1 m\u00e1l.<\/p>\n\n\n\n

V\u00edkingat\u00ed\u00f0in, f\u00f8royski b\u00e1turin, segl og handverk kn\u00fdtt at hesum eru st\u00f3rur partur av okkara mentanararvi. Ta\u00f0 hevur \u00f3missandi vir\u00f0i, at si\u00f0bundnu handverkini ver\u00f0a var\u00f0veitt og ment. At s\u00f8gan ikki doyr og hv\u00f8rvur fyri komandi \u00e6ttarli\u00f0i. Har hava tit her \u00e1 sta\u00f0num gj\u00f8rt eitt megnararbei\u00f0i, t\u00e1 i\u00f0 Johan Olsen, b\u00e1tabyggjari, sm\u00ed\u00f0a\u00f0i Naddodd \u00ed 1997 – undangonguf\u00f3lk \u00ed allar m\u00e1tar.<\/p>\n\n\n\n

F\u00f8royski b\u00e1turin er si\u00f0a- og mentanararvur, sum eisini er \u00e1hugaverdur \u00ed heimsh\u00f8pi. \u00cd UNESCO h\u00f8pi er f\u00f8royski b\u00e1turin vi\u00f0. Og Unesco hevur \u00fatnevnt \u00e1rini 2021-2030 til Havsins \u00e1rat\u00edggju. N\u00f3gv \u00e1t\u00f8k fara at vera hesi \u00e1rini, sum eru kn\u00fdtt at havinum. Havi\u00f0 – og vatni\u00f0 – sum er grundarlagi\u00f0 undir \u00f8llum.<\/p>\n\n\n\n

\u00c1hugin fyri b\u00e1tinum er enn st\u00f3rur \u00ed F\u00f8royum. Taka vit bara Su\u00f0uroynna, so hava vit eitt r\u00edkt kappr\u00f3\u00f0arl\u00edv, har vit vinna eina r\u00fagvu: Naddodd og sigling \u00ed jollum fyri b\u00f8rnunum, Johannu, gomlu grindab\u00e1tarnar, Thorshavn, kajakr\u00f3gving og mangt anna\u00f0. T\u00fddningurin hevur bara flutt seg fr\u00e1 at vera l\u00edvsney\u00f0ugt tilverugrundarlag til n\u00fa eisini at ver\u00f0a partur av mentan og upplivingum, sum skapa trivna\u00f0.<\/p>\n\n\n\n

So havi\u00f0 s\u00f8kja vit enn, og havi\u00f0 droyma vit enn um. Havi\u00f0 savnar okkum sum tj\u00f3\u00f0. Ta\u00f0 er ta\u00f0, i\u00f0 vit eru balla\u00f0i inn \u00ed. Og havi\u00f0 skilir okkum. B\u00e6\u00f0i so og so. At havd\u00fdpi\u00f0 ikki er bygt \u00e1 bj\u00e1lkum, hava vit so mangan sanna\u00f0. Neyvan er n\u00f8kur familja \u00ed F\u00f8royum, sum ikki hevur kent svi\u00f0an og r\u00e1mandi sorgina av t\u00ed. Ta\u00f0 er eisini partur av okkara s\u00f8gu og lagnufelagsskapi.<\/p>\n\n\n\n

G\u00f3\u00f0u tit seks, sum n\u00fa fara avsta\u00f0. Vit s\u00edggja upp til tykkum og senda tykkum allar g\u00f3\u00f0ar kv\u00f8\u00f0ur vi\u00f0 \u00e1 lei\u00f0ini. Vit kenna best teg, Livar. T\u00fa hevur mangan brattan fari\u00f0 og r\u00f3\u00f0 um heimsh\u00f8v. Hj\u00e1 okkum ert t\u00fa ein hetja, og vit eru so errin og stolt av t\u00e6r. N\u00fa fert n\u00fa avsta\u00f0 vi\u00f0 fimm \u00f8\u00f0rum heimshetjum. Tit fara avsta\u00f0 \u00ed ta\u00f0 \u00f3kenda. Ta\u00f0 krevur dirvi og framf\u00fdsni. Og ta\u00f0 hava tit.<\/p>\n\n\n\n

Tit fara avsta\u00f0 \u00ed sama b\u00e1ti. Ta\u00f0 f\u00e6r meg at hugsa um, at menniskjans grundkor \u00ed veruleikanum eru eins, h\u00f3ast l\u00edvsumst\u00f8\u00f0urnar eru ymiskar. Vit eru \u00f8ll \u00ed sama b\u00e1ti. T\u00f3 so, so ivist eg ikki \u00ed, at fyri tykkum seks hevur t\u00farurin eisini heilt pers\u00f3nligan t\u00fddning. Havd\u00fdpi\u00f0 – eins og pers\u00f3nligheitin – goymir mangar duldar loynid\u00f3mar og g\u00e1tur. Sum \u00ed havd\u00fdpinum kann har vera grunt og kyrt inni vi\u00f0 land, men, t\u00e1 i\u00f0 botnurin ikki h\u00f3mast, kann \u00f3dnin vera n\u00e6r. T\u00ed er t\u00farurin eisini ein fer\u00f0 fyri tykkum \u00ed tykkara egna l\u00edvsfari. Einsam\u00f8ll og saman – alt \u00ed einum. Og saman fara tit at megna at byggja bor\u00f0 fyri b\u00e1ru.<\/p>\n\n\n\n

Eftir er bert at ynskja tykkum gott ve\u00f0ur og bl\u00ed\u00f0an byr, og at bi\u00f0ja Jesus p\u00e1pan fylgja tykkum \u00e1 lei\u00f0ini og f\u00f8ra tykkum trygt fram.<\/p>\n\n\n\n

G\u00f3\u00f0an t\u00far<\/p>\n\n\n\n

<\/p>\n","protected":false},"excerpt":{"rendered":"

Leygardagin var\u00f0 skipa\u00f0 fyri almennum tiltaki \u00ed Salti \u00e1 Tv\u00f8royri, \u00ed sambandi vi\u00f0 at Naddoddur er farin at sigla s\u00f8guliga t\u00farin vi\u00f0 seglum til Norges. \u00c1 tiltakinum bar Siri\u00f0 Stenberg, landsst\u00fdriskvinna fram r\u00f8\u00f0u. Ni\u00f0anfyri ber til at lesa r\u00f8\u00f0una \u00ed heilum l\u00edki: G\u00f3\u00f0an dagin \u00f8ll somul og hjartans t\u00f8kk fyri h\u00f8vi\u00f0 at bera fram eina […]<\/p>\n","protected":false},"author":23,"featured_media":30620,"comment_status":"closed","ping_status":"closed","sticky":false,"template":"","format":"standard","meta":{"ngg_post_thumbnail":0,"footnotes":""},"categories":[1],"tags":[],"class_list":["post-30619","post","type-post","status-publish","format-standard","has-post-thumbnail","hentry","category-tidindi"],"publishpress_future_action":{"enabled":false,"date":"2026-05-25 15:04:53","action":"change-status","newStatus":"draft","terms":[],"taxonomy":"category","extraData":[]},"publishpress_future_workflow_manual_trigger":{"enabledWorkflows":[]},"_links":{"self":[{"href":"https:\/\/sudurras.fo\/index.php?rest_route=\/wp\/v2\/posts\/30619","targetHints":{"allow":["GET"]}}],"collection":[{"href":"https:\/\/sudurras.fo\/index.php?rest_route=\/wp\/v2\/posts"}],"about":[{"href":"https:\/\/sudurras.fo\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/sudurras.fo\/index.php?rest_route=\/wp\/v2\/users\/23"}],"replies":[{"embeddable":true,"href":"https:\/\/sudurras.fo\/index.php?rest_route=%2Fwp%2Fv2%2Fcomments&post=30619"}],"version-history":[{"count":1,"href":"https:\/\/sudurras.fo\/index.php?rest_route=\/wp\/v2\/posts\/30619\/revisions"}],"predecessor-version":[{"id":30622,"href":"https:\/\/sudurras.fo\/index.php?rest_route=\/wp\/v2\/posts\/30619\/revisions\/30622"}],"wp:featuredmedia":[{"embeddable":true,"href":"https:\/\/sudurras.fo\/index.php?rest_route=\/wp\/v2\/media\/30620"}],"wp:attachment":[{"href":"https:\/\/sudurras.fo\/index.php?rest_route=%2Fwp%2Fv2%2Fmedia&parent=30619"}],"wp:term":[{"taxonomy":"category","embeddable":true,"href":"https:\/\/sudurras.fo\/index.php?rest_route=%2Fwp%2Fv2%2Fcategories&post=30619"},{"taxonomy":"post_tag","embeddable":true,"href":"https:\/\/sudurras.fo\/index.php?rest_route=%2Fwp%2Fv2%2Ftags&post=30619"}],"curies":[{"name":"wp","href":"https:\/\/api.w.org\/{rel}","templated":true}]}}