{"id":33264,"date":"2025-04-26T13:01:55","date_gmt":"2025-04-26T12:01:55","guid":{"rendered":"https:\/\/sudurras.fo\/?p=33264"},"modified":"2025-04-26T13:01:55","modified_gmt":"2025-04-26T12:01:55","slug":"falggdagshaldid-i-vagi-myndir-og-rodan","status":"publish","type":"post","link":"https:\/\/sudurras.fo\/?p=33264","title":{"rendered":"Falggdagshaldi\u00f0 \u00ed V\u00e1gi – myndir og r\u00f8\u00f0an"},"content":{"rendered":"\n
\"\"<\/figure>\n\n\n\n

Flaggdagur var \u00ed gj\u00e1r og \u00ed V\u00e1gi var h\u00e1t\u00ed\u00f0arhald, sum vanligt er. Ta\u00f0 var sk\u00f3tafelagi\u00f0 Royndin, sum skipa\u00f0i fyri.<\/p>\n\n\n\n

Byrja\u00f0 var\u00f0 vi\u00f0 skr\u00fa\u00f0gongu hj\u00e1 sk\u00f3tafelagnum. S\u00ed\u00f0ani var felagssangur, stu\u00f0la\u00f0ur av sangarum \u00far kirkjuk\u00f3rinum Lj\u00f3mi. Flaggdagsr\u00f8\u00f0una helt Arni D. Brattaberg, vinnul\u00edvsma\u00f0ur, og eftir haldi\u00f0 var\u00f0 fari\u00f0 oman \u00ed Mi\u00f0lat\u00fan til ein drekkamunn.<\/p>\n\n\n\n

Ni\u00f0anfyri s\u00edggjast myndir fr\u00e1 flaggdagshaldinum, sum myndaf\u00f3lki\u00f0 Maria Luiza S. Jacobsen t\u00f3k, og flaggdagsr\u00f8\u00f0an hj\u00e1 Arna.<\/p>\n\n\n\n

Flaggdagsr\u00f8\u00f0an hj\u00e1 Arna D. Brattaberg<\/h3>\n\n\n\n

25. apr\u00edl 2025<\/em><\/p>\n\n\n\n

G\u00f3\u00f0u v\u00e1gbingar, su\u00f0ringar g\u00f3\u00f0u \u00e1hoyrarar.<\/p>\n\n\n\n

Lat okum br\u00faka eina l\u00edtla l\u00f8tu, og hugsa okkum aftur \u00ed t\u00ed\u00f0. N\u00e6r hevur Merki\u00f0 fyrstu fer\u00f0 havt ein t\u00fddning fyri tje? N\u00e6r, hvar og hv\u00ed veitra\u00f0i Merki\u00f0 hendan dagin?<\/p>\n\n\n\n

Fyri mje var hetta heilt sikkurt summari\u00f0 \u00ed 1994. Fyrst \u00e1 nor\u00f0oyarstevnu, t\u00e1 okur komu aftur til V\u00e1gs sum vinnarar \u00e1 fimmannafarinum Royndini Fr\u00ed\u00f0u. Og aftur \u00e1 j\u00f3ans\u00f8ku, t\u00e1 okur enn einfer\u00f0 kundu standa her \u00e1 minnisvar\u00f0anum sum vinnarar. Tri\u00f0u fer\u00f0 hetta summari\u00f0 var, t\u00e1 pappa, Ey\u00f0un br\u00f3\u00f0ur, Mikkjal mammubeiggin, og fleiri a\u00f0rir saman vi\u00f0 teimum, komu inn \u00e1 V\u00e1gsfj\u00f8r\u00f0 vi\u00f0 flaggskr\u00fddda r\u00e6kjutrolaranum South Island.<\/p>\n\n\n\n

Flaggdagurin er ein merkisdagur, sum savnar allar f\u00f8royingar. Hetta er dagurin, har fj\u00f8ldin sl\u00e6r ring um F\u00f8roya land, f\u00f8royska mentan og f\u00f8royska m\u00e1li\u00f0. Merki\u00f0 bindir okum og fylgir okum alla l\u00edvslei\u00f0ina. \u00c1 f\u00f8\u00f0istovuni ver\u00f0ur Merki\u00f0 bori\u00f0 inn til foreldur, og ta\u00f0 n\u00fdf\u00f8dda barni\u00f0. \u00c1 merkisd\u00f8gum hei\u00f0ra okur hv\u00f8nn annan vi\u00f0 at veittra vi\u00f0 Merkinum \u00e1 fullari stong, og \u00ed sorg siga okur farv\u00e6l til okra k\u00e6ru vi\u00f0 at vinda Merki\u00f0 \u00ed h\u00e1lva stong.<\/p>\n\n\n\n

***<\/p>\n\n\n\n

Ta\u00f0 v\u00f3ru teir tr\u00edggir f\u00f8roysku studentarnir \u00ed Keypmannahavn: Jens Oliver Lisberg, Janus \u00d8ssursson og v\u00e1gbingurin Pauli Dahl, sum sni\u00f0g\u00f3vu Merki\u00f0. \u00cdbl\u00e1sturin hava teir \u00f3iva\u00f0 havt fr\u00e1 teimum nor\u00f0urlendsku fl\u00f8ggunum, har krossurin gongur aftur. Tann norr\u00f8ni krossurin hevur dj\u00fapar r\u00f8tur b\u00e6\u00f0i \u00ed kristind\u00f3minum og \u00ed tj\u00f3\u00f0arsamleika okra. Krossurin er \u00edmyndin av felagsskapi og mentanarliga sambandinum millum londini her \u00ed Nor\u00f0uratlantarhavinum.<\/p>\n\n\n\n

Tann 22. juni \u00ed 1919 var Merki\u00f0 fyri fyrstu fer\u00f0 vundi\u00f0 \u00ed h\u00fanarh\u00e1tt \u00ed F\u00e1mjin, heimbygdini hj\u00e1 Jens Olivur Lisberg, har ta\u00f0 enn tann dag \u00ed dag hongur \u00ed kirkjuni. Tann almenna vi\u00f0urkenningin kom t\u00f3 ikki fyrr enn undir seinna heimsbardaga, t\u00e1 bretar g\u00f3\u00f0kendu Merki\u00f0 sum flaggi til tey f\u00f8roysku skipini, nevniliga tann 25. apr\u00edl 1940 fyri j\u00fast 85 \u00e1rum s\u00ed\u00f0ani. M\u00f3tst\u00f8\u00f0an hj\u00e1 flagginum var sterk, serliga \u00far Danmark, men eisini millum f\u00f8royingar. Tann almenna g\u00f3\u00f0kenningin \u00far Danmark kom ikki fyrr enn tann 1. apr\u00edl 1948. \u00cd dag er ta\u00f0 ein partur av okra s\u00f8gu og kunnu okur f\u00f8royingar ikki \u00edmynda okum naka\u00f0 anna\u00f0 flagg enn Merki\u00f0 sum ver\u00f0ur vundi\u00f0 \u00ed h\u00fanarh\u00e1tt,<\/p>\n\n\n\n

Hesir ungu menn sum f\u00f3ru \u00fat \u00ed heim, s\u00f3u, l\u00e6rdu og upplivdu – og b\u00f3ru heimin vi\u00f0 s\u00e6r heim aftur \u00e1 klettarnar, sum so mong onnur ung gj\u00f8rdu t\u00e1, og gera \u00ed dag. Okra uppg\u00e1va sum samfelag og kommuna, er at menna og altj\u00f3\u00f0agera F\u00f8royar, solei\u00f0is at ungd\u00f3murin kemur heim aftur \u00e1 klettarnar til framhaldandi menning.<\/p>\n\n\n\n

\u00cd 2019 h\u00e1t\u00ed\u00f0arhildu f\u00f8royingar 100 \u00e1ra dagin fyri at Merki\u00f0 veitra\u00f0i\u00f0 fyrstu fer\u00f0 \u00ed Danmark. Hetta var framt vi\u00f0, at okra sluppir sigldu lei\u00f0ina ni\u00f0ur \u00e1 Nor\u00f0ur Atlants bryggju og sj\u00e1lvandi var okra st\u00f3lta Johanna TG 326 vi\u00f0 \u00e1 fer\u00f0ini.<\/p>\n\n\n\n

***<\/p>\n\n\n\n

Sj\u00e1lvur havi je mangan fer\u00f0ir marsjera ni\u00f0an her \u00e1 minnisvaran sum sk\u00f3ti til flaggdagshald og eisini sum flaggberi. Sk\u00f3tali\u00f0i\u00f0 Royndin var sett \u00e1 stovn 11. august 1940, bert f\u00fdra m\u00e1na\u00f0ir eftir vi\u00f0urkenningina av Merkinum, og hava sk\u00f3tarnir veri\u00f0 og eru \u00edmyndin av falggdagshaldinum her \u00ed V\u00e1gi. Ta\u00f0 er gle\u00f0iligt at s\u00edggja, at okra ungd\u00f3mur enn tann dag \u00ed dag ynskir at ver\u00f0a partur av okra si\u00f0aarvi. \u00cd dag marsjerar d\u00f3tturin Naomi sum sk\u00f3ti ni\u00f0an her \u00e1 Minnisvar\u00f0an og fl\u00f8var ta\u00f0 m\u00edtt hjarta.<\/p>\n\n\n\n

Sonurin Teitur hevur sum sk\u00f3ti gingi\u00f0 \u00ed somu f\u00f3tafetum her \u00e1 Minnisvar\u00f0anum, somulei\u00f0is sum flaggberi. Sum 11 \u00e1ra gamal var hann fyrstu fer\u00f0 flaggberi til okra st\u00f3ra n\u00fdggjarshald her \u00ed V\u00e1gi, sum kn\u00fdtir saman allar V\u00e1gbingar. Sigast skal, at je sum p\u00e1pi var st\u00f3ltur at kunna h\u00e1lsfevna og ynskja soninum gott n\u00fdggjar \u00e1 Tr\u00fdkantinum eftir okra fyrstu faklagongu saman og v\u00f3ni je, at okur kunnu marsjera saman \u00ed fleiri \u00e1r aftrat til n\u00fdggj\u00e1rhaldi\u00f0 \u00ed V\u00e1gi.<\/p>\n\n\n\n

Fyri gott og v\u00e6l tveimum vikum s\u00ed\u00f0ani megna\u00f0i ta\u00f0 f\u00f8royska kvinnuhondb\u00f3ltslandsli\u00f0i\u00f0 at sp\u00e6la seg v\u00ed\u00f0ari\u00f0 til HM endasp\u00e6li\u00f0 vi\u00f0 at vinna vi\u00f0 10 m\u00e1lum \u00e1 heimav\u00f8lli og tapa tepurt vi\u00f0 einum m\u00e1li\u00f0 \u00e1 \u00fativ\u00f8lli \u00ed Litava. Spennand ver\u00f0ur at fylgja vi\u00f0 kvinnunum til endasp\u00e6li\u00f0 og s\u00edggja alla tj\u00f3\u00f0ina standa saman og syngja T\u00fa alfagra land m\u00edtt og veittra st\u00f3lt vi\u00f0 Merkinum.<\/p>\n\n\n\n

Flaggdagurin var eisini dagurin, har kappr\u00f3\u00f0rarb\u00e1tarnir v\u00f3ru flota\u00f0ir, t\u00e1 i\u00f0 je r\u00f3\u00f0i kapp \u00ed 90\u00b4unum. Hetta var ein spennandi dagur b\u00e6\u00f0i hj\u00e1 r\u00f3gvarum og bygdaf\u00f3lki, sum fylgdu v\u00e6l vi\u00f0 og gj\u00f8rdu s\u00ednar hugsanir um hvussu kappr\u00f3\u00f0rar\u00e1ri\u00f0 m\u00e1tti fara at hilnast. Hesin dagurin bo\u00f0a\u00f0i samstundis fr\u00e1, at n\u00fa f\u00f3r summari\u00f0 at n\u00e6rkast og skj\u00f3tt f\u00f3r tann ey\u00f0kendi Summarstevnuvalsurin aftur at lj\u00f3\u00f0a \u00ed \u00fatvarpinum. Fyri viku s\u00ed\u00f0ani flota\u00f0i Sumbiar \u00cdtr\u00f3ttarfelag eitt n\u00fdtt fimmannafar, Broddur, og \u00ed gj\u00e1r flota\u00f0i V\u00e1gs Kappr\u00f3\u00f0rarfelag n\u00fdggja fimmannafari\u00f0 Royndina Fr\u00ed\u00f0u. Spennandi ver\u00f0ur at fylgja vi\u00f0 \u00ed summar hj\u00e1 hesum ungu manningum.<\/p>\n\n\n\n

Ta\u00f0 s\u00ed\u00f0sta \u00e1ri\u00f0 hevur Merki\u00f0 veittra fleiri fer\u00f0ir \u00ed h\u00fanarh\u00e1tt her \u00ed bygdini, millum anna\u00f0, t\u00e1 i\u00f0 dreingirnir \u00e1 Royndini Fr\u00ed\u00f0u vunnu r\u00f3\u00f0ur \u00ed fj\u00f8r summar, FC Su\u00f0uroy vann seg upp \u00ed bestu deildina og til 100 \u00e1ra haldi\u00f0 hj\u00e1 Frelsunarherinum. Okur hava eisini vundi\u00f0 Merki\u00f0 \u00ed h\u00e1lva stong til minnis um ein av okra k\u00e6ru.<\/p>\n\n\n\n

***<\/p>\n\n\n\n

N\u00fa eru ta\u00f0 100 \u00e1r eru li\u00f0in s\u00ed\u00f0ani Merki\u00f0 veittra\u00f0i fyrstu fer\u00f0 \u00ed heimbygdi hj\u00e1 Jens Olivur. Okra samfelag hevur broytt og ment seg til at ver\u00f0a millum tey mest framkomnu londini \u00ed heiminum. T\u00e1 \u00e1 d\u00f8gum, fyri einari \u00f8ld s\u00ed\u00f0ani, var fer\u00f0ast millum bygdir og oyggjar undir heilt \u00f8\u00f0rum umst\u00f8\u00f0um, enn vit kenna \u00ed dag. H\u00f3ast okra samfelag er v\u00e6l \u00fatbygt og ment til at ver\u00f0a eitt av bestu \u00ed heiminum, so eru ta\u00f0 enn \u00f8kir \u00ed landinum, sum ikki hava somu atgongd til hesa menning. Eitt av fremstu \u00e1hugam\u00e1lum hj\u00e1 okum su\u00f0ringum seinastu t\u00ed\u00f0ina, hevur veri\u00f0 kjaki\u00f0 um ein komandi Su\u00f0uroyartunnil, sum kemur at ver\u00f0a l\u00edvs\u00e6\u00f0rin hj\u00e1 okum. Um okur sum oyggj skulu mennast og taka \u00edm\u00f3ti okra ungd\u00f3mi, eftir at hava veri\u00f0 \u00fati \u00ed heimi, eins og Jens Olivur Lisberg, Janus \u00d8ssursson og Pauli Dahl v\u00f3ru, er ney\u00f0ugt at samfelagi\u00f0 F\u00f8royar g\u00f3\u00f0kennir su\u00f0ringar og Su\u00f0uroy sum ein part av F\u00f8roya landi. Hetta m\u00e1 gerast vi\u00f0 f\u00f8stum sambandi og \u00e1 j\u00f8vnum f\u00f8ti vi\u00f0 restina av F\u00f8royum.<\/p>\n\n\n\n

Eins og ungd\u00f3murin fyri 100 \u00e1rum s\u00ed\u00f0ani, sum sni\u00f0gav Merki\u00f0 og heinta\u00f0i \u00edbl\u00e1stur \u00far \u00fatheiminum, er ta\u00f0 eisini okra ungd\u00f3mur \u00ed dag, sum ber framt\u00ed\u00f0ina \u00e1 teirra her\u00f0um. Su\u00f0uroyartunnilin er ein \u00edl\u00f8ga \u00ed framt\u00ed\u00f0ina hj\u00e1 okra ungd\u00f3mi. Hann ger ta\u00f0 m\u00f8guligt at hava samband vi\u00f0 umheimin \u00e1 j\u00f8vnum f\u00f8ti vi\u00f0 meginlandi. Hann eggjar ungd\u00f3minum at s\u00edggja Su\u00f0uroy sum ein livandi part av samfelagnum vi\u00f0 atgongd til mentan, \u00fatb\u00fagving og arbei\u00f0sm\u00f8guleikar.<\/p>\n\n\n\n

Ein tunnil er grundarsteinur fyri vinnul\u00edvi\u00f0 \u00ed Su\u00f0uroy. Vi\u00f0 einum tryggum sambandi til meginlandi\u00f0 opnast n\u00fdggjar dyr fyri vinnul\u00edvinum, b\u00e6\u00f0i verandi og n\u00fdggum vinnugreinum. Tunnilin ger ta\u00f0 m\u00f8guligt hj\u00e1 fyrit\u00f8kum \u00ed Su\u00f0uroy at kappast \u00e1 j\u00f8vnum f\u00f8ti vi\u00f0 fyrit\u00f8kur \u00ed restini av F\u00f8royum, og tryggja framhaldandi b\u00faskaparligan v\u00f8kstur.<\/p>\n\n\n\n

Ein su\u00f0uroyartunnil er t\u00ed meira enn bara eitt infrakervi; ta\u00f0 er ein \u00edl\u00f8ga \u00ed framt\u00ed\u00f0ina, trivna\u00f0 og frambur\u00f0. Hann bindur okum saman, b\u00e6\u00f0i \u00ed s\u00f8guligum og n\u00fat\u00ed\u00f0arh\u00f8pi, og lyftir Su\u00f0uroy inn \u00ed eitt n\u00fdtt t\u00ed\u00f0arskei\u00f0.<\/p>\n\n\n\n

***<\/p>\n\n\n\n

Okur, i\u00f0 her b\u00fagva, mugu ganga undan, t\u00e1 i\u00f0 ta\u00f0 kemur til hugbur\u00f0 og m\u00e1lbur\u00f0. Okur mugu tosa V\u00e1g og Su\u00f0uroynna upp, og ikki ni\u00f0ur. Okur hava sanniliga n\u00f3gv at bj\u00f3\u00f0a gestum, og ikki minst okum sj\u00e1lvum \u00ed dagligdegnum her su\u00f0uri. Men okur hava t\u00edverri ofta lyndi til at s\u00edggja avbj\u00f3\u00f0ingarnar, millum anna\u00f0 fer\u00f0asambandi. Grundleggandi hava okur eitt v\u00e6lvirkandi samfelag, t\u00f3 so vil ta\u00f0 alt\u00ed\u00f0 ver\u00f0a r\u00fam fyri betringum, men je ivist ikki eina l\u00f8tu \u00ed, at grasi\u00f0 her su\u00f0ri\u00f0 er minst l\u00edka gr\u00f8nt sum nor\u00f0anfyri Su\u00f0uroyarfj\u00f8r\u00f0. Lat okum standa saman um ta\u00f0 g\u00f3\u00f0a, lat okum \u00ed felag fremja betringar, lat okum tosa V\u00e1g og Su\u00f0uroynna upp. Eins og Merki\u00f0, mentanin og ta\u00f0 f\u00f8royska m\u00e1li\u00f0 er grundv\u00f8llur f\u00f8royinga, lat V\u00e1g og Su\u00f0uroynna ver\u00f0a okra felags grundv\u00f8ll.<\/p>\n\n\n\n

T\u00ed\u00f0in er komin at venda hugsanum  – fr\u00e1 for\u00f0ingum til m\u00f8guleikar  – og fr\u00e1 stillst\u00f8\u00f0u til menning, Ein og hv\u00f8r av okum hevur eina serliga \u00e1byrgd at veita \u00edbl\u00e1stur, hugflog og v\u00f3n \u00ed okra dagliga dag. \u00cd felag lyfta okur, \u00ed felag styrkja okur, og \u00ed felag byggja okur framt\u00ed\u00f0ina.<\/p>\n\n\n\n

Virkisf\u00fdsni f\u00f3lki merkir,
standi\u00f0 saman t\u00ed kvinnur eins og menn,
havi\u00f0 framt\u00ed\u00f0arhugsj\u00f3nir sterkar,
einafer\u00f0 bygdin t\u00e1 seg mennir enn.<\/p>\n\n\n\n

\u00cd dag, g\u00f3\u00f0u \u00e1hoyrarar, s\u00edggja okur hvussu Merki\u00f0 er blivi\u00f0 til meira enn bert eitt flagg \u2013 ta\u00f0 er ein fr\u00e1s\u00f8gn, i\u00f0 bindur okum saman sum eitt f\u00f3lk. T\u00e1 okur veittra vi\u00f0 Merkinum, minnast okur tey, i\u00f0 gingu undan og gj\u00f8rdu ta\u00f0 m\u00f8guligt at standa her saman sum eitt sterkt samfelag. Hetta er okra felags \u00e1byrgd og si\u00f0aarvur.<\/p>\n\n\n\n

Je eri fegin um, at kunna deila hendan dagin vi\u00f0 tykum \u00f8llum her \u00ed V\u00e1gi. Ta\u00f0 gevur eina sterka kenslu um v\u00f3n um framt\u00ed\u00f0ina, at okra ungd\u00f3mur ber Merki\u00f0 vi\u00f0 sama stoltleika og sama eldhuga, sum okra forfedrar gj\u00f8rdu.<\/p>\n\n\n\n

Lat okum saman lova, at Merki\u00f0 ikki bert ver\u00f0ur eitt pr\u00fd\u00f0i, men ein \u00e1haldandi \u00edbl\u00e1stur til, at okur saman byggja eitt framt\u00ed\u00f0ar F\u00f8royar, har \u00f8ll hava somu m\u00f8guleikar og somu styrkir. Lat okum verja okra m\u00e1l, okra mentan, og ikki minst okra samanhald \u2013 t\u00ed ta\u00f0 er ta\u00f0, i\u00f0 ger okum til ta\u00f0 okur eru.<\/p>\n\n\n\n

G\u00f3\u00f0u \u00e1hoyrarar, takk fyri at tykur l\u00fdddu \u00e1, og takk til Sk\u00f3tali\u00f0i\u00f0 Royndina fyri hei\u00f0urin at ver\u00f0a bi\u00f0in at bera fram flaggr\u00f8\u00f0u.<\/p>\n\n\n\n

G\u00f3\u00f0an flaggdag \u00f8ll somul, Gud signi F\u00f8royar, m\u00edtt land.<\/p>\n\n\n\n

\n
\"\"<\/figure>\n\n\n\n
\"\"<\/figure>\n\n\n\n
\"\"<\/figure>\n\n\n\n
\"\"<\/figure>\n\n\n\n
\"\"<\/figure>\n\n\n\n
\"\"<\/figure>\n<\/figure>\n","protected":false},"excerpt":{"rendered":"

Flaggdagur var \u00ed gj\u00e1r og \u00ed V\u00e1gi var h\u00e1t\u00ed\u00f0arhald, sum vanligt er. Ta\u00f0 var sk\u00f3tafelagi\u00f0 Royndin, sum skipa\u00f0i fyri. Byrja\u00f0 var\u00f0 vi\u00f0 skr\u00fa\u00f0gongu hj\u00e1 sk\u00f3tafelagnum. S\u00ed\u00f0ani var felagssangur, stu\u00f0la\u00f0ur av sangarum \u00far kirkjuk\u00f3rinum Lj\u00f3mi. Flaggdagsr\u00f8\u00f0una helt Arni D. Brattaberg, vinnul\u00edvsma\u00f0ur, og eftir haldi\u00f0 var\u00f0 fari\u00f0 oman \u00ed Mi\u00f0lat\u00fan til ein drekkamunn. Ni\u00f0anfyri s\u00edggjast myndir fr\u00e1 […]<\/p>\n","protected":false},"author":24,"featured_media":33265,"comment_status":"closed","ping_status":"closed","sticky":false,"template":"","format":"standard","meta":{"ngg_post_thumbnail":0,"footnotes":""},"categories":[1],"tags":[],"class_list":["post-33264","post","type-post","status-publish","format-standard","has-post-thumbnail","hentry","category-tidindi"],"publishpress_future_action":{"enabled":false,"date":"2026-05-25 11:56:51","action":"change-status","newStatus":"draft","terms":[],"taxonomy":"category","extraData":[]},"publishpress_future_workflow_manual_trigger":{"enabledWorkflows":[]},"_links":{"self":[{"href":"https:\/\/sudurras.fo\/index.php?rest_route=\/wp\/v2\/posts\/33264","targetHints":{"allow":["GET"]}}],"collection":[{"href":"https:\/\/sudurras.fo\/index.php?rest_route=\/wp\/v2\/posts"}],"about":[{"href":"https:\/\/sudurras.fo\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/sudurras.fo\/index.php?rest_route=\/wp\/v2\/users\/24"}],"replies":[{"embeddable":true,"href":"https:\/\/sudurras.fo\/index.php?rest_route=%2Fwp%2Fv2%2Fcomments&post=33264"}],"version-history":[{"count":1,"href":"https:\/\/sudurras.fo\/index.php?rest_route=\/wp\/v2\/posts\/33264\/revisions"}],"predecessor-version":[{"id":33272,"href":"https:\/\/sudurras.fo\/index.php?rest_route=\/wp\/v2\/posts\/33264\/revisions\/33272"}],"wp:featuredmedia":[{"embeddable":true,"href":"https:\/\/sudurras.fo\/index.php?rest_route=\/wp\/v2\/media\/33265"}],"wp:attachment":[{"href":"https:\/\/sudurras.fo\/index.php?rest_route=%2Fwp%2Fv2%2Fmedia&parent=33264"}],"wp:term":[{"taxonomy":"category","embeddable":true,"href":"https:\/\/sudurras.fo\/index.php?rest_route=%2Fwp%2Fv2%2Fcategories&post=33264"},{"taxonomy":"post_tag","embeddable":true,"href":"https:\/\/sudurras.fo\/index.php?rest_route=%2Fwp%2Fv2%2Ftags&post=33264"}],"curies":[{"name":"wp","href":"https:\/\/api.w.org\/{rel}","templated":true}]}}