{"id":40172,"date":"2025-09-17T16:45:57","date_gmt":"2025-09-17T15:45:57","guid":{"rendered":"https:\/\/sudurras.fo\/?p=40172"},"modified":"2025-09-17T16:45:58","modified_gmt":"2025-09-17T15:45:58","slug":"kris-25-ar-15-september-2025","status":"publish","type":"post","link":"https:\/\/sudurras.fo\/?p=40172","title":{"rendered":"Kris 25 \u00e1r 15. september 2025"},"content":{"rendered":"\n
\"\"<\/figure>\n\n\n\n

KRIS 25 \u00e1ra h\u00e1t\u00ed\u00f0arhald 15.09.2025<\/p>\n\n\n\n

G\u00f3\u00f0u tit \u00f8ll<\/p>\n\n\n\n

Eg takki av hjarta fyri st\u00f3ra hei\u00f0urin at bera eina heilsan fram, n\u00fa vit \u00ed felag kunnu h\u00e1t\u00ed\u00f0arhalda, at KRIS hevur virka\u00f0 \u00ed 25 \u00e1r. Og eg takki somulei\u00f0is fyri ta\u00f0 samstarv, vit hava havt.<\/p>\n\n\n\n

Me\u00f0an eg havi siti\u00f0 og sett n\u00f8kur or\u00f0 saman til \u00ed dag, havi eg alla t\u00ed\u00f0ina str\u00ed\u00f0st vi\u00f0 hvussu man \u00ed f\u00e1t\u00f8kum or\u00f0um yvirh\u00f8vur kann bera eina t\u00f8kk fyri so n\u00f3gv, vi\u00f0 t\u00ed so l\u00edtla or\u00f0inum takk. T\u00f8kkina fyri tykkara virksemi \u00ed 25 \u00e1r hava tit sanniliga so hjartaliga uppibori\u00f0. Og man kann spyrja seg sj\u00e1lvan, n\u00fa 25 \u00e1r eru runnin, hvussu st\u00f8\u00f0an hev\u00f0i veri\u00f0 \u00ed okkara samfelag, um KRIS n\u00fa ikki var?<\/p>\n\n\n\n

Gj\u00f8gnum hesi 25 \u00e1rini, KRIS hevur virka\u00f0, hava n\u00f3gvar elds\u00e1lir lagt l\u00edv og s\u00e1l \u00ed hj\u00e1lparfelagsskapin. Uttan tykkum mongu, sum tr\u00faliga hava tiki\u00f0 t\u00f8k, var onki KRIS. T\u00ed er dagurin \u00ed dag ikki bert eitt 25 \u00e1ra hald, men eisini ein hei\u00f0ran av t\u00ed dirvi og t\u00ed \u00e1r\u00e6\u00f0i, sum hevur mynda\u00f0 tykkum og felagsskapin KRIS \u00ed 25 \u00e1r.<\/p>\n\n\n\n

Ein dag sum \u00ed dag er eisini h\u00f3skandi at senda Gv\u00f8\u00f0bj\u00f8rg West, s\u00e1lu, n\u00f3gvar takksemiskv\u00f8\u00f0ur fyri hennara st\u00f3ra leiklut \u00ed felagsskapinum. Vi\u00f0 henni hevur KRIS ment seg til ta\u00f0, sum ta\u00f0 er \u00ed dag. Og vi\u00f0 henni hevur eisini eydnast at varpa lj\u00f3s \u00e1 eitt \u00f8ki, ein samfelagstrupulleika, sum hevur kasta\u00f0 myrkar skuggar \u00e1 l\u00edvi\u00f0 hj\u00e1 so mongum. T\u00f8gnin bleiv brotin og or\u00f0 blivu sett \u00e1, hvat kynslig brotsverk eru, hv\u00f8rjar avlei\u00f0ingar eru, og hvussu hj\u00e1lp og stu\u00f0ul kunnu veitast.<\/p>\n\n\n\n

N\u00fa 25 \u00e1r seinni eru kollveltandi broytingar hendar, h\u00f3ast vit enn hava vi\u00f0 ein st\u00f3ran og lemjandi trupulleika at gera. Og kyndilin er latin v\u00ed\u00f0ari til tey, sum n\u00fa var\u00f0a av og ongin ivi er um, at tit fara v\u00e6l um kyndilin og fara at l\u00fdsa upp \u00ed l\u00edvinum hj\u00e1 so mongum, sum liva \u00ed myrkri. Tit fara at skapa v\u00f3n \u00ed v\u00f3nloysinum og vera lj\u00f3si\u00f0 fyri endanum av tunlinum.<\/p>\n\n\n\n

Vit hava \u00ed F\u00f8royum so mong d\u00f8mi um, at \u00e1hugafelagsskapir eru fyrstir at s\u00edggja avbj\u00f3\u00f0ingar \u00ed samfelagnum, og seta \u00ed verk fel\u00f8g og hj\u00e1lp, langt \u00e1\u00f0renn almennu myndugleikarnir gera ta\u00f0. Solei\u00f0is er eisini s\u00f8gan um KRIS. Tit eru drivin av elds\u00e1lum, sum fr\u00e1 byrjan settu seg saman og vildu gera naka\u00f0 fyri b\u00e6\u00f0i tey mongu vaksnu, sum livdu vi\u00f0 lemjandi sein\u00e1rinum, og sum v\u00f3r\u00f0u rakt av kynsligum brotsverkum, og at gera naka\u00f0 vi\u00f0 samfelagstrupulleikan. Solei\u00f0is hevur arbei\u00f0i\u00f0 alla t\u00ed\u00f0ina veri\u00f0 \u00ed tveimum sporum, tann pers\u00f3nliga hj\u00e1lpin og so ta\u00f0 samfelagsliga.<\/p>\n\n\n\n

Har\u00f0skapur hevur mong andlit. Eitt ta\u00f0 andstyggiligasta andliti\u00f0 er kynsligur har\u00f0skapur, ella kynslig brotsverk, sum vit eiga at kalla ta\u00f0. Oftast tosa vit um hetta slagi\u00f0 av har\u00f0skapi m\u00f3ti b\u00f8rnum, men ta\u00f0 kann eisini vera m\u00f3ti vaksnum. Allasta\u00f0ni, har ein valds\u00f3javni er, kann kynsligur \u00e1gangur fara fram.<\/p>\n\n\n\n

Hetta er ikki eitt n\u00fdtt fyribrigdi. Vit s\u00edggja t.d. \u00ed gomlum l\u00f3gum, at longu \u00ed 1600-talinum var\u00f0 \u00e1sett \u00ed l\u00f3g, at ta\u00f0 er forbo\u00f0i\u00f0, men l\u00f3gir hava ikki megna\u00f0 at ste\u00f0ga trupulleikanum. Og heilt afturi \u00ed antikka Grikkalandi kunnu vit lesa um ta\u00f0. Talan er sostatt ikki um ein n\u00fdggjan trupulleika. Og hinvegin, ta\u00f0 ger ta\u00f0, um naka\u00f0, enn verri. \u00c6ttarli\u00f0 eftir \u00e6ttarli\u00f0 hava liva\u00f0 vi\u00f0 lemjandi avlei\u00f0ingunum og ta\u00f0 hevur veri\u00f0 b\u00e6\u00f0i tabu\u00b4isera\u00f0 og stigmatiserandi, so f\u00e1 hava sett or\u00f0 \u00e1 ta\u00f0. Ta\u00f0 hevur veri\u00f0 partur av l\u00edvs- og l\u00ed\u00f0ingars\u00f8gu hj\u00e1 so mongum \u00e6ttarli\u00f0um, at vit kunnu tosa um ein lagnufelagsskap.<\/p>\n\n\n\n

L\u00edka inn \u00ed m\u00edna barna- og ungd\u00f3mst\u00ed\u00f0 var ta\u00f0 so. Man tosa\u00f0i ikki um sovor\u00f0i\u00f0. J\u00fa, vit vistu, at onkur h\u00fas skuldi man ikki fara inn \u00ed, og man hoyrdi um barnalokkarar, men man tosa\u00f0i ikki opi\u00f0 um ta\u00f0. T\u00edbetur er t\u00f8gnin brotin, or\u00f0 ver\u00f0a sett \u00e1 brotsverkini, ta\u00f0 ver\u00f0ur uppl\u00fdst um ta\u00f0, m\u00e1l ver\u00f0a melda\u00f0 og tann so at siga sosiala acceptin er burtur. Vit finna okkum ikki \u00ed t\u00ed longur, hv\u00f8rki sum einstaklingar ella samfelag. Her eigur KRIS ein sera st\u00f3ran leiklut, t\u00ed nu er opinleiki og m\u00f8guleiki fyri hj\u00e1lp. Her hava tit gingi\u00f0 undan og v\u00edst veg.<\/p>\n\n\n\n

Ta\u00f0 var \u00ed 2012 at ta\u00f0 eydna\u00f0ist okkum at f\u00e1a samtykt eitt uppskot \u00ed L\u00f8gtinginum um at seta inn m\u00f3ti kynsligum \u00e1gangi. L\u00f8gtingi\u00f0 st\u00f3\u00f0 saman um m\u00e1li\u00f0. Ta\u00f0 var st\u00f3rt. Eisini t\u00ed ta\u00f0 \u00ed veruleikanum var fyrstu fer\u00f0, L\u00f8gtingi\u00f0 veruliga setti or\u00f0 \u00e1 og vi\u00f0gj\u00f8rdi trupulleikan. H\u00f3ast vit t\u00e1 upplivdu, at ta\u00f0 v\u00f3ru alsamt fleiri, sum tra\u00f0ka\u00f0u fram og s\u00f8gdu s\u00edna s\u00f8gu, so h\u00f8vdu vit ors\u00f8k at halda, at ta\u00f0 var ein st\u00f3r fj\u00f8ld av tigandi f\u00f3lki, sum livdi vi\u00f0 avlei\u00f0ingum og sein\u00e1rinum og harvi\u00f0 h\u00f8vdu v\u00e1na ella skerda l\u00edvsg\u00f3\u00f0sku, sum vi\u00f0f\u00f8rdi st\u00f3rt v\u00f3nloysi. So vit vildu lyfta m\u00e1li\u00f0 inn um tingg\u00e1tt og f\u00e1a sett tilt\u00f8k \u00ed verk. Ta\u00f0 bar \u00e1 m\u00e1l.<\/p>\n\n\n\n

Vit s\u00edggja \u00ed hagt\u00f8lum hj\u00e1 Barnaverndarstovuni, at umlei\u00f0 30 m\u00e1l eru \u00e1rliga, sum beinlei\u00f0is eru kn\u00fdtt at kynsligum \u00e1gangi m\u00f3ti b\u00f8rnum. V\u00edt s\u00edggja eisini, at tali\u00f0 av melda\u00f0um ney\u00f0t\u00f8kum veksur. Tali\u00f0 \u00e1 kvinnum, sum venda s\u00e6r til Kvinnuh\u00fasi\u00f0, veksur. Fr\u00e1bo\u00f0anir til KRIS vaksa. L\u00f8greglan f\u00e6r alsamt fleiri m\u00e1l um barnapornografiskt tilfar. Og solei\u00f0is peika \u00f8ll barometur m\u00f3ti, at vit veruliga hava vi\u00f0 eina samfelagsavbj\u00f3\u00f0ing at gera. Hinvegin er ta\u00f0 trupult at meta um, hv\u00f8rt tali\u00f0 reelt veksur ella um ta\u00f0 heldur er \u00fattrykk fyri, at f\u00f3lk siga fr\u00e1. Tey seta or\u00f0 \u00e1, s\u00f8kja s\u00e6r hj\u00e1lp, melda o.s.fr.<\/a> Ta\u00f0, at vit n\u00fa hava skipa\u00f0a hj\u00e1lp b\u00e6\u00f0i \u00ed t\u00ed almenna og \u00ed felagsskapum, ger eisini, at f\u00f3lk s\u00f8kja s\u00e6r hj\u00e1lp. Ta\u00f0, at vit arbei\u00f0a vi\u00f0 fyribyrging \u00ed sk\u00falum, barnag\u00f8r\u00f0um og alment, l\u00e6rir eisini b\u00f8rnini at siga fr\u00e1 og at seta m\u00f8rk.<\/p>\n\n\n\n

Vit eiga at stremba eftir at hava eina 0-hugsj\u00f3n \u00e1 \u00f8kinum. Ta\u00f0 er eitt h\u00f8gt m\u00e1l at seta s\u00e6r, men eitt ney\u00f0ugt m\u00e1l. Avlei\u00f0ingarnar av kynsligum brotsverkum eru so miki\u00f0 \u00e1lvarsamar og ver\u00f0a bornar tv\u00f8rtur um \u00e6ttarli\u00f0. Ta\u00f0 darvar ikki bara tann einstaka, men alla familjuna og heil \u00e6ttarli\u00f0. Ringar upplivingar \u00ed barna\u00e1runum kunnu vara \u00ed generati\u00f3nir.<\/p>\n\n\n\n

KRIS hevur gj\u00f8gnum hesi 25 \u00e1rini veitt n\u00f3gvum f\u00f3lki hj\u00e1lp og stu\u00f0ul. Givi\u00f0 mongum l\u00edvsm\u00f3ti\u00f0 aftur, og veri\u00f0 vi\u00f0 til at bygt menniskju uppaftur. Og, sum naka\u00f0 sera t\u00fddningarmiki\u00f0, so hava tit givi\u00f0 teimum raktu eina r\u00f8dd, or\u00f0 ver\u00f0a n\u00fa sett \u00e1 og t\u00f8gnin er brotin. Ta\u00f0 er \u00ed lagi at tosa um kynsligan \u00e1gang og eitt m\u00e1l og ein m\u00e1ti at handfara brotsverkini tekur t\u00fd\u00f0iliga skap.<\/p>\n\n\n\n

Ta\u00f0 \u00f3unniliga og \u00f3tespiliga hv\u00f8rvur ikki fyri ta\u00f0, um vit dylja ta\u00f0. Fyrsta stig at gera naka\u00f0 vi\u00f0 trupulleikan er at vi\u00f0urkenna hann. Vit s\u00edggja ta\u00f0 ikki fyrr enn vit tr\u00fagva t\u00ed!<\/p>\n\n\n\n

Or\u00f0 skapa eisini ein veruleika. Sj\u00e1lv f\u00fdlist eg \u00e1 or\u00f0ingarnar, sum ver\u00f0a n\u00fdttar, t\u00e1 i\u00f0 vit umr\u00f8\u00f0a kynsligan \u00e1gang. Eg minnist fr\u00e1 t\u00e1 i\u00f0 eg byrja\u00f0i at skriva um hetta fyri n\u00f3gvum \u00e1rum s\u00ed\u00f0ani, at eg br\u00fakti or\u00f0ingina si\u00f0amisbrot. Ta\u00f0 er alt ov veikt, seg\u00f0i onkur vi\u00f0 meg, og ta\u00f0 er p\u00fara r\u00e6tt. Kynsligur \u00e1gangur er nokk eisini ov veikt. Kynsligur har\u00f0skapur er r\u00e6ttari og r\u00e6ttast er at siga kynslig brotsverk – t\u00ed brotsverk er ta\u00f0. \u00d3l\u00f3gligt og eitt brotsverk.<\/p>\n\n\n\n

Eg ilskist eisini inn \u00e1 or\u00f0ingar \u00ed mi\u00f0lunum sum, at \u201cp\u00e1pi d\u00f8mdur fyri samlegu vi\u00f0 d\u00f3ttrina\u201d. Ein p\u00e1pi kann ikki hava samlegu vi\u00f0 d\u00f3ttrina. Ta\u00f0 er ney\u00f0t\u00f8ka og eitt kynsligt brotsverk.<\/p>\n\n\n\n

Or\u00f0i\u00f0 barnaporno ver\u00f0ur eisini javnan br\u00fakt. Barnaporno? Hesi b\u00e6\u00f0i or\u00f0ini h\u00f3ska als ikki saman. Tosa vit ikki um talgild kynslig brotsverk m\u00f3ti b\u00f8rnum? Kynslig misn\u00fdtsla? Nei, ta\u00f0 eitur kynslig brotsverk!<\/p>\n\n\n\n

Kynslig brotsverk kunnu henda allasta\u00f0ni. Og tey henda allasta\u00f0ni. Eisini har b\u00f8rn, og vaksin, eiga at kenna seg tryggast. Heima, hj\u00e1 n\u00e6stringum, vinum, \u00ed grannal\u00f8gum, samkomum, felagsskapum, arbei\u00f0spl\u00e1ssum og so framvegis. T\u00ed m\u00e1 uppl\u00fdsing og fyribyrging fara fram \u00e1 \u00f8llum m\u00f3tum. Og ta\u00f0 sum eisini er \u00f3hugnaligt er, at ta\u00f0 mangan eru f\u00f3lk, sum vit aldrin kundu \u00edmynda\u00f0 okkum, sum fremja brotsverkini.<\/p>\n\n\n\n

Eitt d\u00f8mi hevur veri\u00f0 frammi fyri kortum um ein kendan politikara \u00ed einum grannalandi, sum n\u00fa hevur fingi\u00f0 fongsulsd\u00f3m, men okkum n\u00fdtist als ikki at hyggja so langt fyri at kunna nevna tey fyrstu mongu brotsf\u00f3lkini her heima.<\/p>\n\n\n\n

G\u00f3\u00f0u tit \u00ed KRIS<\/p>\n\n\n\n

Hesi 25 \u00e1rini, tit hava virka\u00f0 sum felagskapur, hava tit bygt upp eitt netverk av f\u00f3lki, sum kunnu hj\u00e1lpa vaksnum raktum. Tit hava, sum \u00e1rini eru gingin, f\u00f8rleikament tykkum og fingi\u00f0 fakf\u00f3lk \u00ed starv. Somulei\u00f0is hava tit \u00fatvega\u00f0 tykkum egin h\u00fas sum karm um virksemi\u00f0. Ta\u00f0 er sera v\u00e6l arbeitt. Alt sprettur \u00far hugsj\u00f3nini um umsorgan, hj\u00e1lp og n\u00e6stak\u00e6rleika. Og mong eru tey, sum hava hj\u00e1lpt og mong eru tey, sum hava fingi\u00f0 hj\u00e1lp. Fyri ta\u00f0 eiga tit allar hjartans t\u00f8kkir.<\/p>\n\n\n\n

25 \u00e1r, ta\u00f0 er silvur, men tit eru gull verd.<\/p>\n\n\n\n

Hjartaliga til lukku og Harrans signing yvir virksemi\u00f0.<\/p>\n","protected":false},"excerpt":{"rendered":"

KRIS 25 \u00e1ra h\u00e1t\u00ed\u00f0arhald 15.09.2025 G\u00f3\u00f0u tit \u00f8ll Eg takki av hjarta fyri st\u00f3ra hei\u00f0urin at bera eina heilsan fram, n\u00fa vit \u00ed felag kunnu h\u00e1t\u00ed\u00f0arhalda, at KRIS hevur virka\u00f0 \u00ed 25 \u00e1r. Og eg takki somulei\u00f0is fyri ta\u00f0 samstarv, vit hava havt. Me\u00f0an eg havi siti\u00f0 og sett n\u00f8kur or\u00f0 saman til \u00ed dag, […]<\/p>\n","protected":false},"author":23,"featured_media":40173,"comment_status":"closed","ping_status":"closed","sticky":false,"template":"","format":"standard","meta":{"ngg_post_thumbnail":0,"footnotes":""},"categories":[1],"tags":[],"class_list":["post-40172","post","type-post","status-publish","format-standard","has-post-thumbnail","hentry","category-tidindi"],"publishpress_future_action":{"enabled":false,"date":"2026-05-19 05:42:29","action":"change-status","newStatus":"draft","terms":[],"taxonomy":"category","extraData":[]},"publishpress_future_workflow_manual_trigger":{"enabledWorkflows":[]},"_links":{"self":[{"href":"https:\/\/sudurras.fo\/index.php?rest_route=\/wp\/v2\/posts\/40172","targetHints":{"allow":["GET"]}}],"collection":[{"href":"https:\/\/sudurras.fo\/index.php?rest_route=\/wp\/v2\/posts"}],"about":[{"href":"https:\/\/sudurras.fo\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/sudurras.fo\/index.php?rest_route=\/wp\/v2\/users\/23"}],"replies":[{"embeddable":true,"href":"https:\/\/sudurras.fo\/index.php?rest_route=%2Fwp%2Fv2%2Fcomments&post=40172"}],"version-history":[{"count":1,"href":"https:\/\/sudurras.fo\/index.php?rest_route=\/wp\/v2\/posts\/40172\/revisions"}],"predecessor-version":[{"id":40175,"href":"https:\/\/sudurras.fo\/index.php?rest_route=\/wp\/v2\/posts\/40172\/revisions\/40175"}],"wp:featuredmedia":[{"embeddable":true,"href":"https:\/\/sudurras.fo\/index.php?rest_route=\/wp\/v2\/media\/40173"}],"wp:attachment":[{"href":"https:\/\/sudurras.fo\/index.php?rest_route=%2Fwp%2Fv2%2Fmedia&parent=40172"}],"wp:term":[{"taxonomy":"category","embeddable":true,"href":"https:\/\/sudurras.fo\/index.php?rest_route=%2Fwp%2Fv2%2Fcategories&post=40172"},{"taxonomy":"post_tag","embeddable":true,"href":"https:\/\/sudurras.fo\/index.php?rest_route=%2Fwp%2Fv2%2Ftags&post=40172"}],"curies":[{"name":"wp","href":"https:\/\/api.w.org\/{rel}","templated":true}]}}