{"id":43962,"date":"2026-08-25T06:51:48","date_gmt":"2026-08-25T05:51:48","guid":{"rendered":"https:\/\/sudurras.fo\/?p=43962"},"modified":"2026-08-25T06:51:49","modified_gmt":"2026-08-25T05:51:49","slug":"ahugin-hja-tvoroyrar-kommunu-atti-eisini-at-verid-trivnadurin-hja-borgaranum","status":"publish","type":"post","link":"https:\/\/sudurras.fo\/?p=43962","title":{"rendered":"\u00c1hugin hj\u00e1 Tv\u00f8royrar Kommunu \u00e1tti eisini at veri\u00f0 trivna\u00f0urin hj\u00e1 borgaranum"},"content":{"rendered":"\n<p class=\"wp-block-paragraph\"><strong>\u00c1hugin hj\u00e1 Tv\u00f8royrar Kommunu \u00e1tti eisini at veri\u00f0 trivna\u00f0urin hj\u00e1 borgaranum \u00e1 Tv\u00f8royri og ikki bert l\u00e6tt vunnir pengar \u00ed kommunukassan.<\/strong><\/p>\n\n\n\n<p class=\"wp-block-paragraph\">Um vit l\u00edta aftur til 2020, gj\u00f8rdu vestmenningar eina roynd vi\u00f0 umskiping av russiska trolaranum Arctica, sum ein li\u00f0ur \u00ed at \u00f8kja um virksemi\u00f0 hj\u00e1 Vestmanna Havn. Ta\u00f0 gingu ikki meira enn tveir dagar, so hev\u00f0i Vestmanna bygdarr\u00e1\u00f0 tiki\u00f0 avger\u00f0 um, at sl\u00edkum gangi skuldu borgarar \u00ed Vestmanna ikki l\u00ed\u00f0a undir.<\/p>\n\n\n\n<p class=\"wp-block-paragraph\">Bygdar\u00e1\u00f0i\u00f0 t\u00f3k alt fyri eitt m\u00e1li\u00f0 upp til vi\u00f0ger\u00f0ar og bi\u00f0i\u00f0 var\u00f0 um lj\u00f3\u00f0m\u00e1tingar, \u00edme\u00f0an skipi\u00f0 l\u00e1 vi\u00f0 bryggju og fortreytirnar fyri at gera lj\u00f3\u00f0m\u00e1ting av larminum v\u00f3ru til sta\u00f0ar. \u00c1\u00f0renn \u00farsliti\u00f0 av kanningini var li\u00f0ugt, bleiv avger\u00f0 tikin um at nokta sl\u00edkum \u00f3r\u00f3gvandi skipum at bryggju \u00ed Vestmanna.<\/p>\n\n\n\n<p class=\"wp-block-paragraph\">Sostatt seg\u00f0i Vestmanna bygdar\u00e1\u00f0 nei takk til innt\u00f8kur fr\u00e1 larmkeldum. Bygdarr\u00e1\u00f0i\u00f0 \u00ed Vestmanna v\u00edsti, at m\u00e1li\u00f0 er so s\u00e1ra einfalt. Tey lurta\u00f0u nevnliga eftir s\u00ednum borgarum, gj\u00f8rdu eina kanning og t\u00f3ku eina avger\u00f0. \u00c1hugin er trivna\u00f0urin hj\u00e1 borgaranum \u00ed Vestmanna og ikki bert l\u00e6tt vunnir pengar \u00ed kommunukassan.<\/p>\n\n\n\n<p class=\"wp-block-paragraph\">Men so er ikki \u00e1 Tv\u00f8royri. \u00cd sta\u00f0in fyri at vera ein fyrimyndarlig kommuna fyri s\u00ednar borgarar, sum k\u00e6rdu s\u00edna ney\u00f0 um skipalarm, i\u00f0 elvdi til, at f\u00f3lk ikki fingu n\u00e1ttarfri\u00f0, fingu borgarar \u00e1 Tv\u00f8royri gj\u00f8gnum almennu \u00fatvarpst\u00ed\u00f0indini bo\u00f0 um, at farmaskipi\u00f0 Silver Star, sum l\u00e1 \u00e1 Tv\u00f8royri, ikki hev\u00f0i hildi\u00f0 meira gang, enn loyvt er. Hetta h\u00f3ast skipi\u00f0 larma\u00f0i tr\u00edfalt ta\u00f0, sum okkara grannalond loyva \u00ed sl\u00edkum f\u00f8rum.<\/p>\n\n\n\n<p class=\"wp-block-paragraph\">\u00c1 heimas\u00ed\u00f0uni svarar Tv\u00f8royrar kommuna, at kommunan ikki fer at vi\u00f0gera einst\u00f8k upp\u00e1hald ella kjaktr\u00e6\u00f0rir \u00e1 sosialum mi\u00f0lum, men at borgarar og fel\u00f8g alt\u00ed\u00f0 eru v\u00e6lkomin at senda \u00edt\u00f8kiligar fr\u00e1bo\u00f0anir beinlei\u00f0is til kommununa ella Tv\u00f8royrar havn, so hesar kunnu vi\u00f0gerast \u00e1 einum fakligum og dokumentera\u00f0um grundarlagi.<\/p>\n\n\n\n<p class=\"wp-block-paragraph\">Ta\u00f0 m\u00e1 vi\u00f0merkjast, at Tv\u00f8royrar kommuna er v\u00e6l grei\u00f0 yvir, at hon hevur fingi\u00f0 klagur \u00ed posa og sekk \u00ed dr\u00fagva t\u00ed\u00f0 og hetta kann pr\u00f3gvast \u00e1 einum dokumentera\u00f0um grundarlagi. St\u00f8\u00f0an \u00e1 Tv\u00f8royri \u00ed sambandi vi\u00f0 skipalarmin fr\u00e1 farmaskipinum Silver Star er ikki eind\u00f8mi. So seint sum \u00ed februar \u00ed \u00e1r, komu limir \u00ed Liviligum korum \u00ed ney\u00f0, t\u00ed felagi\u00f0 fekk uppl\u00fdst, at skipalarmur ikki kundi klagast til kommununa, um skipini ikki l\u00f3gu vi\u00f0 kaikantin hj\u00e1 Tv\u00f8royrar kommunu.<\/p>\n\n\n\n<p class=\"wp-block-paragraph\">Felagi\u00f0 fekk uppl\u00fdst, at um skipini larma\u00f0u vi\u00f0 kaikantin hj\u00e1 Var\u00f0anum Pelagic, m\u00e1tti felagi\u00f0 klaga til Var\u00f0an Pelagic. Um skipini larma\u00f0u vi\u00f0 kaikantin hj\u00e1 P\/F Uppsj\u00f3varhavn, so m\u00e1tti klagan st\u00edlast hagar. Men um skipalarmur var vi\u00f0 partin av kaikantinum hj\u00e1 Tv\u00f8royrar Kommunu, so l\u00e1 hetta undir teirra \u00e1byrgd. Hetta merkti, at borgarin \u00e1 Tv\u00f8royri, sum ikki fekk n\u00e1ttarfri\u00f0 av skipalarmi, skuldi seta seg inn \u00ed tr\u00edggjar ymiskar klagum\u00f8guleikar vi\u00f0v\u00edkjandi skipalarmi. Afturat hesum var ein fj\u00f3r\u00f0i klagum\u00f8guleiki. Ta\u00f0 var, at d\u00e1lking fr\u00e1 virkinum Var\u00f0anum Pelagic skuldi fr\u00e1bo\u00f0ast Umhv\u00f8rvisstovuni!<\/p>\n\n\n\n<p class=\"wp-block-paragraph\">Umframt at str\u00ed\u00f0ast vi\u00f0 skipalarm \u00ed egnum heimum, m\u00e1tti \u00e1hugafelagi\u00f0 Livilig kor fyrr \u00ed \u00e1r kontakta Umhv\u00f8rvisstovuna fyri at kanna, hv\u00f8r eftirlitsmyndugleiki var, \u00ed mun til hv\u00f8r \u00e1tti kaikantin. Umhv\u00f8rvisstovan bo\u00f0a\u00f0i Tv\u00f8royrar kommunu og \u00e1hugafelagnum Livilig kor fr\u00e1, at Tv\u00f8royrar kommuna er eftirlitsmyndugleiki &#8211; \u00f3ans\u00e6\u00f0 hv\u00f8r eigur havnina\/kaikantin.<\/p>\n\n\n\n<p class=\"wp-block-paragraph\"><strong>Markvir\u00f0i ver\u00f0ur \u00e1sett av kommununum sj\u00e1lvum<\/strong><\/p>\n\n\n\n<p class=\"wp-block-paragraph\">Aftursvari\u00f0 fr\u00e1 Tv\u00f8royrar kommunu um, at farmaskipi\u00f0 Silver Star, sum l\u00e1 \u00e1 Tv\u00f8royri, ikki helt meira gang, enn loyvt er, er pr\u00f3gv um vandan vi\u00f0 n\u00faverandi markvir\u00f0um. Ta\u00f0 er harmiligt, at markvir\u00f0ini ver\u00f0a br\u00fakt sum umbering fyri at lata vera vi\u00f0 at taka borgarar \u00ed \u00e1lvara og gera naka\u00f0 vi\u00f0 trupulleikan.<\/p>\n\n\n\n<p class=\"wp-block-paragraph\">Vi\u00f0 hesum s\u00edggja vit avlei\u00f0ingarnar av, at kommunurnar eru&nbsp; s\u00edn egni eftirlitsmyndugleiki. Og s\u00ed\u00f0ani kommunurnar sj\u00e1lvar aktivt mugu hava eitt ynski um at betra um st\u00f8\u00f0una, so er st\u00f8\u00f0an \u00f3javnt b\u00fdtt kommunurnar millum og borgarin situr m\u00e1ttleysur eftir.&nbsp;<\/p>\n\n\n\n<p class=\"wp-block-paragraph\">N\u00fa hevur Tv\u00f8royrar kommuna alment melda\u00f0 \u00fat, at teir hava kanna\u00f0 st\u00f8\u00f0una og sta\u00f0festa, at einki er \u00e1fatt og teir kunnu sostatt, samb\u00e6rt reglunum, sum kommunurnar sj\u00e1lvar hava \u00e1sett, halda \u00e1fram vi\u00f0 s\u00ednum virksemi \u00f3tarna\u00f0. Hetta gevur somulei\u00f0is eitt greitt tekin til onnur um, at onki hald er \u00ed klagunum um larm.<\/p>\n\n\n\n<p class=\"wp-block-paragraph\">T\u00ed er ta\u00f0 umr\u00e1\u00f0andi at markvir\u00f0ini ver\u00f0a l\u00e6kka\u00f0i \u00e1 ta\u00f0 st\u00f8\u00f0i\u00f0, sum okkara grannalond eru komin fram til og at havnirnar ver\u00f0a umhv\u00f8rvisg\u00f3\u00f0kendar. Ta\u00f0 er eingin ors\u00f8k til at uppfinna tann dj\u00fapa tallerkin av n\u00fdggjum, men ta\u00f0 er bara Landsst\u00fdri\u00f0, sum kann gera naka\u00f0 vi\u00f0 ta\u00f0. Um Landsst\u00fdri\u00f0 ikki tekur hesa uppg\u00e1vuna fr\u00e1 kommununum, ver\u00f0ur hetta ein kampur, sum heldur fram.<\/p>\n\n\n\n<p class=\"wp-block-paragraph\"><strong>Tv\u00f8royrar kommuna kundi handfari\u00f0 m\u00e1li\u00f0 fyrimyndarliga eins og borgarstj\u00f3rin \u00ed Vestmanna kommunu \u00ed 2020 \u2013 um \u00e1hugin var trivna\u00f0urin hj\u00e1 borgarunum<\/strong>.<\/p>\n\n\n\n<p class=\"wp-block-paragraph\"><\/p>\n\n\n\n<p class=\"wp-block-paragraph\"><em>Livilig kor<\/em><\/p>\n","protected":false},"excerpt":{"rendered":"<p>\u00c1hugin hj\u00e1 Tv\u00f8royrar Kommunu \u00e1tti eisini at veri\u00f0 trivna\u00f0urin hj\u00e1 borgaranum \u00e1 Tv\u00f8royri og ikki bert l\u00e6tt vunnir pengar \u00ed kommunukassan. Um vit l\u00edta aftur til 2020, gj\u00f8rdu vestmenningar eina roynd vi\u00f0 umskiping av russiska trolaranum Arctica, sum ein li\u00f0ur \u00ed at \u00f8kja um virksemi\u00f0 hj\u00e1 Vestmanna Havn. Ta\u00f0 gingu ikki meira enn tveir dagar, [&hellip;]<\/p>\n","protected":false},"author":23,"featured_media":5773,"comment_status":"closed","ping_status":"closed","sticky":false,"template":"","format":"standard","meta":{"ngg_post_thumbnail":0,"footnotes":""},"categories":[3],"tags":[],"class_list":["post-43962","post","type-post","status-publish","format-standard","has-post-thumbnail","hentry","category-lesarin-skrivar"],"publishpress_future_action":{"enabled":false,"date":"2026-09-01 09:56:49","action":"change-status","newStatus":"draft","terms":[],"taxonomy":"category","extraData":[]},"publishpress_future_workflow_manual_trigger":{"enabledWorkflows":[]},"_links":{"self":[{"href":"https:\/\/sudurras.fo\/index.php?rest_route=\/wp\/v2\/posts\/43962","targetHints":{"allow":["GET"]}}],"collection":[{"href":"https:\/\/sudurras.fo\/index.php?rest_route=\/wp\/v2\/posts"}],"about":[{"href":"https:\/\/sudurras.fo\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/sudurras.fo\/index.php?rest_route=\/wp\/v2\/users\/23"}],"replies":[{"embeddable":true,"href":"https:\/\/sudurras.fo\/index.php?rest_route=%2Fwp%2Fv2%2Fcomments&post=43962"}],"version-history":[{"count":1,"href":"https:\/\/sudurras.fo\/index.php?rest_route=\/wp\/v2\/posts\/43962\/revisions"}],"predecessor-version":[{"id":43963,"href":"https:\/\/sudurras.fo\/index.php?rest_route=\/wp\/v2\/posts\/43962\/revisions\/43963"}],"wp:featuredmedia":[{"embeddable":true,"href":"https:\/\/sudurras.fo\/index.php?rest_route=\/wp\/v2\/media\/5773"}],"wp:attachment":[{"href":"https:\/\/sudurras.fo\/index.php?rest_route=%2Fwp%2Fv2%2Fmedia&parent=43962"}],"wp:term":[{"taxonomy":"category","embeddable":true,"href":"https:\/\/sudurras.fo\/index.php?rest_route=%2Fwp%2Fv2%2Fcategories&post=43962"},{"taxonomy":"post_tag","embeddable":true,"href":"https:\/\/sudurras.fo\/index.php?rest_route=%2Fwp%2Fv2%2Ftags&post=43962"}],"curies":[{"name":"wp","href":"https:\/\/api.w.org\/{rel}","templated":true}]}}