Gongdin í fólkatalinum heldur fram og 1. mai í ár búðu 53.305 fólk í Føroyum. Samanborið við somu tíð í fjør er hetta ein vøkstur á 863 fólk ella 1,6%.

Gongdin í fólkatalinum verður ávirkað av nettoflyting (munurin millum tilflyting og fráflyting) og burðaravlopi (munurin millum fødd og deyð).

Síðan ársskiftið er fólkatalið vaksið við 380 fólkum. Vøksturin stavar frá eini nettoflyting á 275 fólk og einum burðaravlopi á 105 børn.Viðm.: Uppgjørt fyrst í mánaðinumKelda: Hagstova FøroyapersónarFólkataliðMáltTrendurMai ’18Jul ’18Sep ’18Nov ’18Jan ’19Mar ’19Mai ’19Jul ’19Sep ’19Nov ’19Jan ’20Mar ’20Mai ’20Jul ’20Sep ’20Nov ’20Jan ’21Mar ’21Mai ‘211990200020102…50.00052.00054.00053.305Mars 2020● Mált: 52.295

Í apríl mánaða í ár fluttu 111 fólk til Føroya og 57 fluttu úr Føroyum. Hetta gav eina nettoflyting á 54 fólk, sum er 23 fleiri enn í apríl í fjør. Tá fluttu 80 til Føroya og 49 úr Føroyum.

Apríl mánaði í ár gav eitt burðaravlop á 17 børn. Tað er minkað við 11 samanborið við apríl í fjør, tá burðartalið var 11 hægri, meðan deyðatalið var tað sama.

Grovaru strikurnar í myndini niðanfyri vísa gongdina í tilflytingini og fráflytingini.

Grovaru strikurnar í myndini niðanfyri vísa gongdina í føðitalinum og í deyðatalinum.

Talvan niðanfyri vísir fólkatalið í kommununum fyri mai 2020 og mai 2021. Størsti vøksturin í tali er í teimum størstu kommununum, har Tórshavnar-, Klaksvíkar-, Runavíkar-, Eystur- og Nes kommuna standa fyri 79% av vøkstrinum.

Fólkatalið í kommununum

mai 2020 – mai 2021

Viðm.:Uppgjørt fyrst í mánaðinum
Kelda:Hagstova Føroya