Tvøroyrar kommuna hevur sett Teit Rubæk Rasmussen í starv sum fíggjarleiðara. Hann tekur við starvinum 1. januar 2026 og avloysir Amy Bech, sum hevur gjørt av at gevast fyri aldur.
Sum fíggjarleiðari verður Teitur partur av leiðslutoyminum og fær ábyrgdina av fíggjarætlan, roknskapi og langtíðarætlanum, umframt at ráðgeva borgarstjóra, kommunustjóra og politisku nevndunum í fíggjarligum viðurskiftum fyri at tryggja góða fíggjarstýring í kommununi.
Teitur hevur útbúgving innan fígging og fíggjarstýring og drúgvar royndir sum fíggjar- og kundaráðgevi, har hann m.a. hevur arbeitt við roknskapargreining, gjaldførisstýring og ráðgeving.
Teitur er 44 ára gamal, búsitandi í Trongisvág saman við unnustuni Rannvá B. Johannesen og børnunum teirra.
Tvøroyrar kommuna takkar Amy Bech fyri drúgva og trúgva tænastu og ynskir Teiti Rubæk Rasmussen vælkomnan í starvið sum fíggjarleiðari.
Facebook viðmerkingar