Hagstova Føroya hevur nú kunngjørt fólkatalið pr. 1. november 2025. Fyri Føroyar undir einum er fólkatalið frá 1. nov. 2024 til 1. nov. 2025 vaksið við 343, ein vøkstur á 0,6%. Fólkatalið í Suðuroynni er í sama tíðarskeiðið minkað við 52, sum er ein minking á 1,1%.
Fólkatalið í Suðuroynni var 1. nov. 2025 komið niður á 4.509 fólk, sum er 1.327 fólk færri enn í 1990, ein minking á 22,7% seinastu 35 árini. Í sama tíðarskeiðið er fólkatalið í Føroyum vaksið við 15%.
Verður hugt aftur í tíð, so er fólkatalið í Suðuroynni 1. nov. 2025 tað lægsta í fleiri enn 100 ár. Fyri 100 árum síðani, í 1925, var fólkatalið í Suðuroynni 5.141, ella omanfyri 600 fólk fleiri enn tað vóru í november í ár.
Facebook viðmerkingar