FC Suðuroy boðaði fyri løtu síðani frá, at sáttmáli er gjørdur við Dennis Nielsen fyri kappingarárið 2021. Dennis er 29 ára gamal og er verjuleikari.
Dennis Nielsen var ein av profilunum á felags Suðuroyarliðnum í 2018, tá Glenn Ståhl var venjari. Tá spældi Dennis í miðverjuni hjá Suðringum.
Dennis Nielsen hevur seinastu árini spælt fótbólt í Avstralia og í Onglandi.
Dennis flytir saman við familjuni til Vágs í næstum og verður partur av 1. deildarhópinum hjá FC Suðuroy. Harumframt fer Dennis Nielsen eisini at venja U17 liðið.
Facebook viðmerkingar