Fyri aðru ferð hetta kappingarárið er FC Hoyvík ikki møtt upp til ein dyst.
Fyrru ferð var til útidyst móti FC Suðuroy og í dag møtti FC Hoyvík ikki upp til útidyst móti Royn.
Reglugerðin hjá FSF sigur soleiðis:
Galdandi fyri 2. deild menn
Lið, sum ikki møtir upp til dyst, fær í fyrsta umfarið -3 stig, umframt eina bót upp á 5.000 kr.
Um dysturin, sum liðið ikki møtti til, var á útivølli, fær heimaliðið helvtina av bótini.
Lið, ið ikki møtir tvær ferðir upp til dyst, verður koyrt úr kappingini og niður í 3. deild at leika komandi kappingarár.
Umframt hetta fær felagið eina bót upp á 20.000 kr.
Um dysturin, sum liðið ikki møtti til, var á útivølli, fær heimaliðið helvtina av bótini.
Facebook viðmerkingar