Í næstum fer Løgtingið aftur at viðgera Suðuroyartunnilin; eitt uppskot, sum hevur ómetaliga stóran týdning fyri framtíðina í Suðuroynni. Eitt uppskot, sum eisini hevur ført við sær nógva umrøðu og kjak í stóran mun uttan um Suðuroynna.
Mánakvøldið 24. novembur verður tó høvi at kunna seg um uppskotið á kunnandi tiltaki um Suðuroyartunnilin.
Á fundinum fer P/F Suðuroyartunnil at greiða frá innihaldinum í verkætlanini, nú lógaruppskotið er borið í Løgtingið.
Eisini verður greitt frá fíggjarliga partinum og frá politisku tilgongdini.
Fundurin er í Skúladeplinum í Suðuroy kl.19-21.
Øll eru hjartaliga vælkomin.
Politisk økisfeløg í Suðuroynni
Facebook viðmerkingar