Bjørt á Miðnám í Suðuroy fyrsta pisan í Føroyum í ár

Í dag hátíðarhalda tey á Miðnámsskúlanum í Suðuroy, at fyrsti studenturin í Suðuroy, og eisini í Føroyum, hevur fingið húgvuna á høvdið.

Allarfyrsta pisan er Bjørt Dam, ið hevur gingið á náttúrubreyt og hevur verið til próvtøku í søgu hjá Maud Nls í morgun.

Sum siðvenja er á Miðnám í Suðuroy, so skal fyrsti studenturin vinda flaggið á stong, og í ár var tað so Bjørt, ið slapp at hava hesa stóru æruna.