GG: Hetta er sami fundur, sum bleiv avlýstur vegna forfall 30. Juni.
Øll við áhuga fyri vinnulívinum í Suðuroy eru hjartaliga vælkomin til stovnandi fund fyri Suðuroyar Vinnulívsfelag í morgin, hósdagin 27. august kl. 19.00 í Miðnámsskúlanum í Hovi.
Endamálið við fundinum er at stovna eitt felag, sum kann arbeiða fyri at styrkja og menna vinnulívið í Suðuroy, umboða felags áhugamál og skapa betri samstarv millum vinnurekandi, fyritøkur og aðrar viðkomandi partar.
Á skránni verður m.a.:
- Stigtakararnir greiða frá ætlanini við felagnum
- Símun Hammer frá Eysturoyar Vinnulívsfelag greiðir frá, hvussu tað felagið riggar.
- Viðgerð og samtykt av viðtøkum
- Val av nevnd
- Umrøða av átøkum, sum felagið skal taka sær av út árið.
- Ymiskt
Vit vóna at nógv vinnurekandi, og umboð fyri fyritøkur, møta upp til fundin. Ein lítil kaffimuður verður eisini at fáa á fundinum. Gott høvi at stilla spurningar og netverka.
Vælkomin at senda til onnur, sum tit halda burdu luttikið.
Stigtakararnir.
Facebook viðmerkingar