FC Suðuroy og Jacob Munch Jensen eru samd um at halda fram við samstarvinum, og tí verður Jacob partur av FC Suðuroy hópinum komandi ár, tá vit aftur tørna út í Meistaradeildini.
Evnaríki miðverjin kom til FC Suðuroy úr Esbjerg fB í summar og hevur síðani víst seg at vera ein fongur. Við sínum fysikki er Jacob ein stórur og sterkur miðverji, sum samstundis er tryggur og góður á bóltinum. Tí eru vit sera fegin um, at Jacob heldur fram í bláum og verður partur av hópinum, tá vit komandi ár aftur skulu royna okkum millum teir bestu í føroyskum fótbólti.
Hóast nøkur umfør enn eru eftir at leika í 2026, eru fyrireikingarnar til komandi kappingarár í gongd, skrivar FC Suðuroy á Facebook-vanganum.
Facebook viðmerkingar