Innkomin boð til busskoyring á Sandoynni og Suðuroynni

Tað komu 4 boð upp á koyring fyri Bygdaleiðir á Sandoynni (pakki 4) og á Suðuroynni (pakki 5).

Boðgevari upp á pakka 4 (leiðirnar 600 og 601) er:

• Sp/f Handilshúsið

Boðgevarar upp á pakka 5 (leiðirnar 700 og 701) eru:

• P/F Suðuroyarleiðin
• Suðuroyar Bygdaleiðir Sp/f

Boðgevari upp á kombinatiónspakkan 4  og 5 (leiðirnar 600, 601, 700 og 701) er:

• Suðuroyar Bygdaleiðir Sp/f

15. mai í ár varð kunngjørt, at Landsstýrið hevði avgjørt, at Sandoyggin, pakki 4 í útbjóðingartilfarinum, skal verða eitt menningarøki fyri grønari orku. Bussarnir á Sandoynni skulu sostatt koyra við varandi orkuloysnum.

Teir tilboðsgevarir, sum bjóða upp á Pakka 4, avgera sjálvir, hvat slag av grønari orku teirra bussar skulu koyra við. Hugt verður eftir, hvussu nógv orka (CO₂ útlát) verður brúkt til at koyra, og hvar orkan kemur frá.

Boðini upp á pakka 4 og 5 verða greina og viðgjørd av arbeiðsbólki komandi dagarnar, og endaligt úrslit verður kunnað í seinasta lagi fríggjadagin 30. august 2019.

Tað er at gleðast um boðini, ið eru komin inn. Strandfaraskip Landsins ynskir at takka boðgevarunum, sum hava givið boð.