Bú- og Heimatænastan í Suðuroy søkir eftir fysioterapeuti og ergoterapeuti til fast starv
Talan er um avbjóðandi og gevandi størv í einum tvørfakligum toymi við serkunnleika innan fysio- og ergoterapi. Endamálið er at tryggja at borgarin livir eitt aktivt lív og upplivir øktan tryggleika, førleika, yvirskot og orku til gerandisdagin.
Starvsbrøkurin er 1,0 svarandi til 40 tímar um vikuna.
Uppgávur:
- veita venjing á røktarheimi/eldrasambýlum og til heimabúgvandi borgarar
- viðlíkahalds- endur- og gerandisrehabiliteringsvenjingar 67+
- at kanna, greina og meta um virkisførleikar hjá eldri
- heilsufremjandi og sjúkufyribyrgandi venjingar fyri eldri 65+
- at undirvísa og ráðgeva um heilsu og trivna
- at kanna, venja og vegleiða húsfólk, sum búgva á stovni.
Útbúgving og førleikakrøv:
- hevur prógv og autorisatión sum fysio- og ergoterapeutur
- dugir væl at samskifta
- hevur vilja og evni at virka í einum tvørfakligum toymi
- dugir at vegleiða og undirvísa
- dugir at arbeiða sjálvstøðugt og leggja venjingarætlanir til rættis
- hevur góð samstarvsevni
- hevur KT-førleika á brúkarastøði
Vit kunnu bjóða:
- Eitt sjálvstøðugt, dynamiskt og fjølbroytt starv
- Eitt jaligt og vinarligt arbeiðsumhvørvi við góðum umstøðum
- Eitt starv við nógvum avbjóðingum, har tú kemur at seta dám á tilboðini hjá BHS
Løn og setanarviðurskifti:
Løn- og setanarviðurskiftini verða sambært sáttmála millum KAF og avvarandi yrkisfelag.
Eru ongar umsóknir til eitt av fakøkjunum, verður starvið tillagað og sett sambært sáttmálanum hjá ávikavist Fysioterapeutfelagnum ella Ergoterapeutfelagnum.
Umsókn
Umsókn við prógvum, viðmælum, CV og øðrum viðkomandi skjølum skulu sendast til:
Bú- og Heimatænastuna í Suðuroy
att.: Anna Djurhuus, leiðari
Eiðisvegur 28
FO-900 Vágur
ella:bhs@bhs.fo, og skal verða okkum í hendi í seinasta lagi tann 16. juli 2020 kl.12.00
Facebook viðmerkingar