Framløgur um botndjór, politiska leiðslu og brisling í Hovi ónskvøldið

Vísindavøkan á ferð vitjar ónskvøldið 28. oktober kl. 19 á Miðnámsskúlanum í Hovi.

Tríggjar framløgur verða í Hovi. Hvør framløga verður umleið 20 minuttir.

Heidi Mortensen, lívfrøðingur á Fiskaaling, fer at hava framløgu við heitinum:Botndjórakanningar á føroysku firðunum – Eitt føroyskt sammetingargrundarlag.

Rógvi Ólavson, vísindaligt hjálparfólk á Søgu- og samfelagsdeildini á Fróðskaparsetrinum, fer at hava framløgu, ið hevur heitið:Politisk leiðsla og samskifti í undantaksstøðu – Hvussu Føroyar loftaðu koronukreppuni.

Og Eydna í Homrum, lívfrøðingur á Havstovuni, fer at hava framløgu við heitinum: Brislingur undir Føroyum – lívfrøði og útbreiðsla.

Heitt verður á fólk um at halda seg til almennu koronutilmælini um reinføri, frástøðu v.m..

Facebook viðmerkingar