Hátíðar – og fráfaringarhald hjá Bú- og Heimatænastuni í Suðuroy

Mánadagin 30. November var hátíðar- og fráfaringarhald í hølunum hjá heimatænastuni á Heilsumiðstøðini í Vági.

Hátíðarhald var fyri Jórun Eyðunson, Porkeri, sum hevur starvast í heimatænastuni í Suðuroy í 30 ár.

Jórun byrjaði sum heimahjálp í sunnaru helvt í 1990 og tók prógv sum heilsuhjálpari í 2005.

Eisini var fráfaringarhald var fyri Annu Vestergaard, Sumba, sum hevur starvast í heimatænastuni í Suðuroy í 35 ár.

Anna tók prógv sum heilsuhjálpari í 2010 og gevst nú vegna aldur.

Í sambandi við 30 ára starvsdagin hjá Jórun og fráfaringarhaldið hjá Annu fingu tær blómur og gávur handaðar, har Anna Djurhuus, leiðari hjá Bú- og Heimatænastuni, og Beinta Virgarsdóttir, deildarleiðari, søgdu nøkur orð og har takkað varð fyri góða og trúgva tænastu.

Eisini fingu tær eina heilsu frá heilsuhjálparafelagnum og sínum starvsfeløgum.

Anna Vestergaard og Jórun Eyðunson.