Innskriving av børnum til frítíðarskúlan skúlaárið 2018/2019, verður frá mánadegnum 29. januar, eftir innskrivingina til 1. flokk í skúlanum.
Børn skulu innskrivast av nýggjum hvørt ár.
Frítíðarskúlin er ætlaður børnum sum ganga í 1, 2 og 3. flokki. Opið er hvønn dag eftir skúlatíð, til kl. 17.00.
Endamálið við frítíðarskúlanum er, at børnini kunnu verða í einum tryggum og mennandi umhvørvið, har tey eru við til at skapa egnan gerandisdag, við vegleiðing og stuðli frá vaksnum.
Umstøðurnar innan – og uttandura eru sera góðar. Vit hava eitt stórt felagsrúm, verkstað og onnur rúm, har børnini fáa ment síni skapandi evni á ymiskan hátt, bæði gjøgnum skipað og óskipað tiltøk. Hartil er eitt spennandi spælipláss.
Í frítíðarskúlanum hava børnini ávirkan á sína frítíð, har møguleiki er fyri fríðum spæli ella at taka lut í kreativum virksemi.
Tit eru vælkomin í Brosið at innskrivað ella tit kunnu ringja á tlf. 237580. Eisini ber til at maila til siri@hvalba.fo
Facebook viðmerkingar