Felagsskapirnir KRIS og Sinnisbati skipa í felag fyri stórum innsavningartiltaki leygarkvøldið 30. oktober, sum verður sent beinleiðis í sjónvarpinum hjá Kringvarpi Føroya.
Í sendingini verða fleiri hjartanemandi søgur, gestir, innsløg um arbeiðið hjá KRIS og Sinnisbata, umframt fleiri skemtilig innsløg og góður tónleikur.
Alt kvøldið kunnu einstaklingar og felagsskapir stuðla stóra og umráðandi arbeiðinum hjá KRIS og Sinnisbata. Til ber at flyta pening á netbankanum ella við at ringja og flyta pengar á konto. Eisini verður møguligt at stuðla við at senda sms.
Øll, ið stuðla, kunnu m.a. vinna ein spildurnýggjan bil, føroysk klæðir, silvur til føroysk klæðir og ein málning.
Vikuna undan stóra sjónvarpskvøldið vera tiltøk kring landið, ið fólk sjálvi taka stig til. Øll eru vælkomin at skipa fyri sínumegnu innsavningum og soleiðis vera við at stuðla arbeiðinum hjá KRIS og Sinnisbata.
Vertir á kvøldinum veraJohn Johannesen og Sára Jógvansdóttir.
Facebook viðmerkingar