Jan-Allan Müller verður føddur í Havn í 1969. Hann veksur upp sum einkabarn í Tippinum í Vági. At mamman er sjúk, og pápin drekkur, fyllir nógv.
Fótbóltur verður bløðruta frírúmið hjá Jan-Allani.
Inn á vøllinum roynir Jan-Allan eisini av øllum alvi at vinna viðurkenning frá pápanum. Men drongurin er og verður verandi einsamallur.
Tá ið hann kennir, at øll svíkja, blívur Jan-Allan sín egni einmansherur.
Bardagin ber hann gjøgnum baldruta ítróttalívið inn í eitt yrki við nógvum pengum – og haðan út í skommina sum avdúkaður lúrari og fongsulsdømdur svikari.
Ferðin endar við andláti og endurføðing.
Saga JAM er 397 síður. Bókin kann metast sum magnum opus hjá Høgna Mohr.
“Ein knasandi góð lýsing av eini syndarligari lagnu.” Leivur Hansen, journalistur
“Ein óvanlig saga um inniligan longsil og stórar dreymar borin av rótleysum einsemi.” Lydia Didriksen, bókmentafrøðingur
Facebook viðmerkingar