Seta arbeiðaran í miðdepilin í Skúladeplinum í Suðuroy mánakvøldið

”Skip tey stevndu út og onnur stevndu inn, men tað vóru aldri fólk sum Kalli, ið sóu vinningin”. Tað eru 45 ár síðani, at Kári P skrivaði um lossingarmannin, Kalla, og hóast nógv framstig eru hend, er sangurin um Kalla Katt framvegis aktuellur.

Hvør er arbeiðarin í dag? Og hvussu eru arbeiðsumstøðurnar og livikorini hjá arbeiðsfólki í Føroyum? Hesar spurningar reisir Javnaðarflokkurin, tá bjóðað verður til alment tiltak í Suðuroynni mánakvøldið 18/9 kl 19.00.

Luttakarar á tiltakinum eru:

  • Suðuroyar Sparikassi, Søren Bruun: ”At fáa lán, tá inntøkan er óstøðug”
  • ALS, Páll Oddur Rubeksen: ”Fiskavirkisskipanin – ein nógv brúkt skipan í Suðuroy”
  • Fólkaheilsustýrið, Monika Mohr: ”Arbeiðslív og sálarheilsa”
  • Føroya Arbeiðarafelag, Monika Nolsøe Johannesen: ”Kropsligt slit hjá arbeiðsfólki”
  • Samtak, Sonja Jógvansdóttir: ”Arbeiðarar, rættindi og (mis)munur”
  • Vinnuhúsið luttekur eisini.

Orðstýrari verður Súsanna Bertholdsen.

Undir tiltakinum spælir Eyðun Nolsøe nøkur løg. Kaffi og køka verður eisini at fáa. Øll eru hjartaliga vælkomin.

Facebook viðmerkingar