Omanlop í Fámjinstunlinum – arbeiðið er steðgað fyribils

Hvørki fólk ella útgerð fingu skaða av lopinum, men neyðugt er at leggja arbeiðið stilt, meðan kannað verður, hvussu haldast fram.

Eitt omanlop um vikuskiftið ger, at arbeiðið í Fámjinstunlinum er steðgað fyribils.

Neyðugt er at gera fleiri kanningar, áðrenn arbeiðið heldur fram, sigur stjórin á Landsverki, Sigurd L. Lamhauge við Útvarpið.