Seinastu 12 mánaðirnar er eru 12,8 milliardir útgoldnar í lønum, vøksturin er 4,6 prosent. Men verður hugt eftir økjunum í landinum, so er tað greitt, at ein partur av landinum liggur væl lægri enn restina av landinum.
Í myndini omanfyri sæst prosentmunur í útgoldnum lønum seinastu 12 mánaðirnar samanborið við undanfarna tíðarskeið býtt á bústaðarøki. Sandoyar øki hevur havt størsta vøkstur við yvir átta prosentum. Suðuroyar øki hevði minsta vøkstur við 2,4 prosentum.
Verður hugt eftir gongdini í miðallønunum í fseinastu árini, so hevur tað verið ein støðugur vøkstur í landinum sum heild, frá um 20.000 kr. í miðal um mánaðin í 2006 til út við 38.000 kr. í miðal í februar 2025.
Miðal-lønin er roknað, sum samlaða lønin býtt á tal av persónum, sum fáa løn. Tað verður ikki tikið hædd fyri tíð í arbeiði.
Í myndini niðanfyri (Alt landið) eru gongdin í Føroyum. Meðan myndin niðri undir hesari myndin vísir gongdina í Suðuroynni.
Í 2006 var miðal-lønin í Suðuroynni sambærilig við restina av landinum, kanska lá miðal-lønin í Suðuroynni eitt vet lægri.
Men seinastu 20 árini er farin fram stór broyting. Miðal-lønin í landinum sum heild er vaksin ár um ár, meðan vøksturin í Suðuroynni hevur verið væl lægri. Í februar var miðal-lønin í landinum út við 38.000 kr., meðan hon í Suðuroynni var góða 29.700 kr. – ella góð 21,6% lægri enn í landinum sum heild.
Eins og víst á myndini niðanfyri, so hevur miðal-lønin í Suðuroynni at kalla staðið í stað seinastu 2-3 árini.
Facebook viðmerkingar