Grassroots tiltak í Marghøllini í Vági

Fótbóltsamband Føroya skipaði týsdagin fyri Grassroots tiltakið í Marghøllini í Vági, har børn frá barnagørðunum í Suðuroynni luttóku.

Børnini hugnaði sær óført í Marghøllini, har tað var turt, hóast illveður uttanfyri. 9. flokkur úr Vágs skúla luttóku sum venjarar í tiltakinum.

Hendan vikan er Grassroots vika hjá UEFA og tí skipar FSF fyri fleiri tiltøkum kring alt landið, har endamálið er at fáa fólk at spæla fótbólt.

Myndirnar tók Bjartur Vest.

[Vís myndir]