Skráin fyri mentanarnáttina á Tvøroyri tøk

Í drúgva tíð hevur verið arbeitt miðvíst fyri at fáa skapt eina spennandi og fjølbroytta skrá fyri mentanarnáttina – nú er komið á mál.

Skráin er sera umfatandi og inniheldur m.a. barnatiltøk, fyrilestrar, framsýningar, gongutúr, kappingar og tónleik. Longu nú er talgilda útgávan tøk og til ber bæði at blaða í henni her https://bitlylink.com/krbdR og at taka hana niður sum pdf her. http://tvk.fo/content.asp?sid=5019&id=

Í mai verður eitt eintak borið út í hvørt hús í Suðuroynni og nøkur eintøk verða eisini løgd fram á støðum kring, har nógv fólk vitja.

Tað er okkara vón at fólk taka eins væl móti mentanarnáttini í ár, sum tey hava gjørt undanfarin ár. Vit eiga ein livandi bý og tað er okkum ein stór gleði at vinnurekandi, stovnar og feløg hava tikið so væl undir við tiltakinum.

Setið tykkum ein kross í kalendarin tann 31. mai – vælkomin á mentanarnátt á Tvøroyri.

Facebook viðmerkingar