Eftirskúlin byrjar 18. august og Jimmy settur sum lærari

Nú er august loksins her og byrjanin til Føroya Eftirskúla á Tvøroyri eisini. Skúlin hevur fyrsta skúladag 18. august og nógv spennandi liggur fyri framman, eisini eru tað næmingar, sum gleða seg til at byrja á eftirskúlanum.

Tað er við gleði, at okur kunngera at Jimmy Allert Schultz er settur, sum lærari á Føroya Eftirskúla. Jimmy kemur saman við Pól Arna, skúlastjóra at skipa Føroyabreytina og annað. Sum lærari hevur Jimmy drúgvar royndir og hevur arbeitt á Eftirskúla og fólkaskúla í Danmark. Jimmy er dani, men skilur føroyskt og er giftur Maud Næs í Hvalba, so ikki er hann heilt ókendur her á leiðum.

Okur gleða okum til eitt spennandi og mennandi samstarv við Jimmy, og somuleiðis sigur hann, at hann er dystin fúsur til at verða við til at menna Føroya Eftirskúla.