Eingir áskoðarar í Betri-deildini til og við 22. august

Fótbóltssambandið boðar nú frá, at allir dystir í Betri-deildini verða avgreiddir uttan áskoðarar til og við 22. august.

Starvsnevndin í Fótbóltssambandi Føroya hevur tikið avgerð um, at frá mikudegnum 5. august til og við leygardagin 22. august, verða allir dystir í vaksnamannadeildunum spældir uttan áskoðarar

Eftir at fleiri tilburðir av korona eru staðfestir í Føroyum seinastu dagarnar, hevur starvsnevndin í Fótbóltssambandi Føroya tikið avgerð um, at frá mikudegnum 5. august til og við leygardagin 22. august, verða allir dystir í vaksnamannadeildunum spældir uttan áskoðarar.

Somuleiðis verður heitt á feløgini um at hyggja eftir koronavegleiðingini í samband við venjing og dystir.