Størv Tekstlýsingar

Sjúkrarøktarfrøðingi í farloyvisstarv hjá Bú- og Heimatænastuni

25. januar 2022
Suðuroyarportalurin

Sjúkrarøktarfrøðingi í  farloyvisstarv til heimatænastuna frá  1. mars 2022 til 1. januar 2023.

       Talan  er um  starvsbrøk 0,8  svarandi til 32 tímar í dag- og kvøldvaktum og 3. hv. vikuskifti ella

       eftir nærri avtalu.

Uppgávur:

Er at veita umsorgan, heilsu- og sjúkrarøkt og at stuðla borgarunum.

Tænastan byggir á virðing millum starvs- og búfólk.

Førleikar:

Fyriuttan  útbúgving og autorisatión sum  sjúkrarøktarfrøðingur  er tað ein fyrimunur, at tú hevur

royndir innan økið.

Vit vænta at tú:

  • Kann ráðgeva, samstarva og vegleiða starvsfólk og avvarðandi
  • Hevur áhuga at arbeiða samsvarandi okkara virðisgrundarlagi
  • Hevur KT-førleika á brúkarastøði

Vit bjóða:

  • Eitt sjálvstøðugt og fjølbroytt starv, har tú ert við til at mynda og menna tænastuna.
  • Eitt jaligt og vinarligt arbeiðsumhvørvi
  • Eitt starv har tú kanst gera tína áskoðan galdandi
  • Ein fakligan og spennandi gerandisdag.

Fysioterapeuti  til fast starv í starvsbrøki 1.0 svarandi til 40 tímar um vikuna frá 1. mars 2022 ella eftir   nærri avtalu.

Talan er um avbjóðandi og gevandi starv í einum tvørfakligum toymi við serkunnleika innan fysioterapi. Endamálið er at tryggja, at borgarin livir eitt aktivt lív og upplivir øktan tryggleika, førleika, yvirskot og orku til gerandisdagin.

Uppgávur:

  • veita venjing á røktarheimi/eldrasambýlum og til heimabúgvandi borgarar
  • viðlíkahalds- endur- og gerandisrehabiliteringsvenjingar 67+
  • at kanna, greina og meta um virkisførleikar hjá eldri
  • heilsufremjandi og sjúkufyribyrgandi venjingar fyri eldri 65+
  • at undirvísa og ráðgeva um heilsu og trivna
  • at kanna, venja og vegleiða húsfólk, sum búgva á stovni.

Útbúgving og førleikakrøv:

  • hevur prógv og autorisatión sum fysioterapeutur
  • dugir væl at samskifta
  • hevur vilja og evni at virka í einum tvørfakligum toymi
  • dugir at vegleiða og undirvísa
  • dugir at arbeiða sjálvstøðugt og leggja venjingarætlanir til rættis
  • hevur góð samstarvsevni
  • hevur KT-førleika á brúkarastøði

Vit kunnu bjóða:

  • Eitt sjálvstøðugt, dynamiskt og fjølbroytt starv
  • Eitt jaligt og vinarligt arbeiðsumhvørvi við góðum umstøðum
  • Eitt starv við nógvum avbjóðingum, har tú kemur at seta dám á tilboðini hjá BHS
  • Ein fakligan og spennandi gerandisdag.

Lønar- og setanartreytir:

Størvini verða sett sambært sáttmála millum KAF og avvarðandi yrkisfakfeløg.

Um tú ynskir at vita meir um starvið, ert tú vælkomin at ringja til:

Daimi Kjærbo úr Hørg eindarleiðara á tlf. 793503.

Umsókn: Skrivlig umsókn við avriti av prógvum v.m. skal sendast til:

Bú- og Heimatænastan í Suðuroy

att. Anna Djurhuus, leiðara

Eiðisvegur 28

900 Vágur

ella til: bhs@bhs.fo 

Umsóknarfreist: 11. februar 2022 kl. 12.00

Facebook viðmerkingar