Nógv fólk til kunnandi fund um Suðuroyartunnilin í Salt

Løgmaður, Landsverk og P/F Suðuroyartunnilin eru á ferð kring landið, og endamálið er at kunna um ætlanina at byggja Suðuroyartunnilin.

Mánakvøldið var fyrsti kunningarfundurin í Salt á Drelnesi, har nógv fólk var møtt at kunna seg um Suðuroyartunnilin.

Aksel V. Johannesen, løgmaður, legði fyri, og kunnaði um ætlanina, og fíggjarligu viðurskiftini. Síðani kunnaði Teitur Samuelsen frá P/F Suðuroyartunnilin um ymisk viðurskifti viðvíkjandi tunnilsætlaninni, og Brandur Sjúrðarson frá Landverk kunnaði greiddi frá um ymiskar ætlanir viðvíkjandi atknýttum vegum í Sandoynni í samband við Suðuroyartunnilin.