Hava fingið samband við abbabørn hjá John Henry Nicholls

Í vikuni var greitt frá at Arnfinnur Thomassen úr Vági hevði greitt eina 78 ára gamla gátu um bretskan sjómann, sum varð jarðaður sum ókendur í gamla kirkjugarðinum í Vági í 1942.

Talan var um John Henry Nicholls, sum er avmyndaður omanfyri, sum var við trolaranum Bromelia úr Grimsby, sum gekk burtur í juni 1942.

Søgan varð prentað í Grimsby Telegraph og nú hava eftirkomarar sett seg í samband við Arnfinn og takka honum hjartaliga fyri at hava loyst gátuna. Abbabørn hava boðað frá, at tey fara leggja leiðina til Vágs so skjótt sum corona-støðan loyvir tí.

Myndin niðanfyri er av Christine Paris ein av abbadøtrunum.

Lesið eisini

Facebook viðmerkingar