Business Vágur hevur ment eitt talgilt vinnuyvirlit, ið vísir hvørjar fyritøkur eru í Vági.
17. mai var árligi vinnudagurin hjá Vágs Kommunu. Á vinnudegnum vóru framløgur frá Jan Ziskasen, stjóri á Føroya Tele, Ana Holden-Peters frá Burðadygt Vinnulív, Zvonko Mrdalo frá Fróðskaparsetur Føroya og til seinast, Magnus Pauli West frá Vágs Kommunu. Framløgurnar snúðu sjeg um Mega Trends, Burðadygt Vinnulív átakið, Dátur og viðgerð av dátum, og um nýggju tænastuna í Business Vágur.
Business Vágur er vinnuparturin hjá Vágs Kommunu. Endamálið við Business Vágur er at skapa menning og framburð í nærumhvørvinum í tøttum samstarvið við lokalu vinnuna. Hetta merkir, at vinnan hevur ein sparringspartnara, ið hevur til uppgávu at stuðla lokalu vinnuni á bestan hátt. Les meira um Business Vágur og síggj vinnuyvirlitið her.
Nýggja tænastan hjá Business Vágur er talgilda vinnuyvirlitið. Vinnuyvirlitið er eitt yvirlit yvir fyritøkur og vinnurekandi í Vági. Yvirlitið gevur fólki og fyritøkum møguleika at kunna sjeg um, hvørjar fyritøkur eru í Vági og hvussu ein fær samband við hesar.
Gerst partur av Business Vágur og vinnuyvirlitið
Íversetar, vinnurekandi og fyritøkur í Vági, sum ynskja at gerast partur av vinnuyvirlitinum, kunnu skráseta sjeg her.
Facebook viðmerkingar