Finala um at koma í hálvfinaluna í Bónus-kappingini

Bónus-kappingi, kvinnur – Bólkur 2:
Hjá Fleyr og TB stendur á gomlum nøglum í hesum døgum, tí sunnudagin møtast tey bæði í avgerandi dysti fyri, hvør teirra vinnur seg í hálvfinaluna í steypakappingini.

Tó er eisini matematiskur møguleiki fyri, at hvørgin teirra sleppur í hálvfinaluna, men at KÍF ístaðin spleysar tey bæði av. Tað hendir, um KÍF vinnur 3-0 á oddaliðnum Drátti, og um Fleyr vinnur 3-2 á TB. Tá høvdu øll hesi trý havt 4 stig, men KÍF settmunin 0, Fleyr settmun -1 og TB settmun -2.

Hendir tað ikki, so verður tað vinnarin av dystinum millum Fleyr og TB, sum fer í hálvfinaluna saman við Drátti. Vit kunnu kalla tað eina finalu um at koma í hálvfinaluna.

Sunnudagin 28. jan. kl. 16:00: Dráttur – KÍF
Sunnudagin 28. jan. kl. 16:00: Fleyr – TB

Støðan í bólki 2: 

Hálvfinalurnar í Bónus-kappingini verða spældar í Badmintonhøllini í Klaksvík leygardagin 10. februar. Steypafinalan verður í høllini á Hálsi leygardagin 24. februar.