Fólkatalið veksur framvegis, men vøksturin minkar. Árliga broytingin fyri 2023 var 0,8%, og tað er annar mánaðurin á rað, at árliga broytingin hevur verið undir einum prosenti. Seinast, árliga broytingin var niðri á einum prosenti í longri tíð, var fyri 10 árum síðani. Viðm.: Uppgjørt fyrst í mánaðinumKelda: Hagstova FøroyapersónarFólkataliðMáltTrendurJan ’21Mar ’21Mai ’21Jul ’21Sep ’21Nov ’21Jan ’22Mar ’22Mai ’22Jul ’22Sep ’22Nov ’22Jan ’23Mar ’23Mai ’23Jul ’23Sep ’23Nov ’23Jan ‘24199020002010202052.00053.00054.00055.00054.545

Fólkatalið verður ávirkað av nettoflyting, sum er munurin millum tilflyting og fráflyting, og burðaravlopi, sum er munurin millum fødd og deyð. Vøksturin seinasta árið kemur av einum burðaravlopi á 162 og eini nettoflyting á 288 fólk. Talvan niðanfyri vísir, at fólkavøksturin seinasta árið var minni enn í undanfarna tíðarskeiði. 

Færri flyta

Trendarnir í myndini niðanfyri vísa gongdina í til- og fráflytingini. Trendarnir í flytingunum vísa minking í bæði tilflyting og fráflyting. Tilflytingin er minkað meiri enn fráflytingin, og er nú á sama stigi sum í 2020. Samanlagt minkar hetta um nettoflytingina. Í tíðarskeiðnum frá 2017 til 2022 lá árliga nettoflytingin millum 400 og 500 fólk. Í 2023 var hon 288 fólk. Kelda: Hagstova FøroyapersónarFlyting til og úr FøroyumMált – tilflytingMált – fráflytingTrendur – tilflytingTrendur – fráflytingJan ’14Jul ’14Jan ’15Jul ’15Jan ’16Jul ’16Jan ’17Jul ’17Jan ’18Jul ’18Jan ’19Jul ’19Jan ’20Jul ’20Jan ’21Jul ’21Jan ’22Jul ’22Jan ’23Jul ‘23200020200100200300

Færri verða fødd og færri doyggja

Trendarnir í myndini niðanfyri lýsa gongdina í føði- og deyðatalinum. Trendarnir vísa minkingar í bæði føðitalinum og deyðatalinum seinastu tvey árini. Deyðatalið er minkað meir enn føðitalið, og samanlagt økir tað um burðaravlopið. Áðrenn stóru minkingina í burðaravlopinum, sum byrjaði fyri tveimum árinum síðani, lá burðaravlopið millum 200 og 300 børn. Í undanfarna tíðarskeiði var tað niðri á 146 børnum, og seinasta árið vaks tað upp á 162 børn. Kelda: Hagstova FøroyapersónarFødd og deyðMált – føddMált – deyðTrendur – føddTrendur – deyðJan ’14Jul ’14Jan ’15Jul ’15Jan ’16Jul ’16Jan ’17Jul ’17Jan ’18Jul ’18Jan ’19Jul ’19Jan ’20Jul ’20Jan ’21Jul ’21Jan ’22Jul ’22Jan ’23Jul ‘2320002020050100

Lítil og ongin fólkavøkstur millum danskar ríkisborgarar

Tað eru fyrst og fremst aðrir enn danskir ríkisborgarar, sum hava staðið fyri fólkavøkstrinum í 2023 og 2022. Myndin niðanfyri vísir, at lítil og ongin fólkavøkstur hevur verið millum danskar ríkisborgarar í Føroyum seinastu tvey árini. Tað er ein stór broyting samanborið við árini frammanundan. Viðm.: Uppgjørt fyrst í mánaðinumKelda: Hagstova FøroyapersónarRíkisborgaraskapurØll londDanmarkNorðurlond annarsEvropa annarsAfrikaAmerikaAsiaOsiania og póløkini198619881990199219941996199820002002200420062008201020122014201620182020202220242000202040.00045.00050.00055.00060.00054.54551.342

Flestu kommunurnar vaksa

Hóast minkandi fólkavøkstur í landinum sum heild, so høvdu 18 av teimum 29 kommununum fólkavøkstur í 2023. Størsti vøkstur var í Tórshavnar, Klaksvíkar, Runavíkar og Eysturkommunu. Í teimum kommununum vaks fólkatalið serliga í Tórshavn, Hoyvík, Klaksvík, Saltangará, á Argjum og í Leirvík. Fólkatalið var óbroytt í tveimum og minkaði í níggju kommunum. Sí fleiri tøl í talvuni niðanfyri, sum vísir fólkatalið í kommununum við tilhoyrandi bygdum 1. januar 2023 og 2024. 

Fólkatalið í kommunum og bygdum

jan 2023 – jan 2024

Viðm.:Uppgjørt fyrst í mánaðinumKelda:Hagstova Føroya

Fólkatølini eru ein mánað afturút