Hesi størv verða lýst leys at seta frá 1. august 2024
1 lærari í fast starv.
5-6 lærarar í tíðaravmarkað størv skúlaárið 2024/25 vegna lækkað tímatal, serligan tørv og avlopstímar.
Søkt verður eftir starvsfólkum, sum:
– eru samstarvs- og virkisfús
– eru fyrikomandi og løtt at koma á tal við
– eru sinnað at taka á seg tær uppgávur, ábyrgd og avbjóðingar, sum starvið og tíðin krevur
– leggja dent á nærlagni, stundvísi, fakliga og námsfrøðiliga menning
– duga væl at samstarva
– hava góðar KT-førleikar á brúkarastøði
Førleikakrøv lærarar
Tey, ið sett verða, skulu hava læraraútbúgving; tó kunnu umsøkjarar, sum fáa prógv í summar, søkja á jøvnum føti við tey, sum longu hava lokið prógv.
Skúlanum tørvar lærarar, ið kunnu undirvísa í hesum lærugreinum: lívfrøði, handverk & list, dreingjaítrótti og donskum, og kunnu átaka sær floks-/toymisleiðslu.
Lønar- og setanartreytir – lærarastørv
Lærarastørvini verða sett sum sáttmálasett størv, uttan so er, at tey, sum sett verða, eru tænastumannasett frammanundan. Størvini eru lønt í lønarflokkunum 18.1 – 29.2 sambært avtalu millum Fíggjarmálaráðið og Føroya Lærarafelag.
Tímatalið til eitt av tíðaravmarkaðu lærarastørvunum verður ikki endaliga ásett fyrr enn 1. sep. 2024.
Barnaváttan verður kravd í samband við setanina.
Umsóknir:
Umsóknir við cv og avritum av prógvum og møguligum ummælum skulu vera skúlastjóranum í hendi í seinasta lagi mánadagin 17. juni 2024 kl. 12.00
Umsóknir skulu sendast til:
Vágs Skúla
Vágsvegur 32
Fo-900 Vágur
ella á teldupost: john.henrik.holm@skulin.fo
Nærri kunning um starvið fæst við at ringja ella senda teldupost til:
John Henrik Holm, skúlastjóra, á tlf 239330 ; teldupostur: john.henrik.holm@skulin.fo ella
Anitu Nysted, varaskúlastjóra á tlf. 239334 ; telduspostur: anita.nysted@skulin.fo
Facebook viðmerkingar