Elskipanin í Suðuroy er nú vorðin enn grønari enn hon var frammanundan. Ein royndarskipan er í gongd, sum hevur við sær, at síðan 29. januar 2025 hava motorarnir á Vágsverkinum koyrt við gassolju.
Fyrimunirnir eru nógvir, sigur Heri Mortensen, deildarstjóri fyri framleiðsluna hjá Sev.
M.a. tí at gassoljan:
- er reinari og lættari at fáast við
- dálkar ikki umhvørvið á sama hátt sum tungolja
- skal ikki haldast heit fyri at kunna brúkast
- viðførir ikki somu mongd av slam ella evju, sum skal handfarast og burturbeinast á forsvarligan hátt
Tað hevur kravt eina umlegging og umfatandi reinsing av motorum og tangum, sum enn ikki er heilt liðug.
Umleggingin í Vági er ein roynd, sum skal vara í eitt ella tvey ár. Hareftir kann staðfestast, um tað er fíggjarliga forsvarligt ella ei, og tá kann avgerð takast um hvørt hetta er endaligt.
Facebook viðmerkingar