Í góðveðrinum á Eiðinum vóru nógv fólk komin saman at hyggja eftir fyrstu grannauppgerðini í Betrideildini ímillum FC Suðuroy og TB. Hetta er fyrsta grannauppgerðin millum liðini bæði síðani 2015.
Talan gjørdist um ein spennandi dyst, men heimaliðið hevði leikliga yvirvág at kalla allan dystin. Tað var tí eisini í tráð við gongdina í dystinum, at Dánjal Godtfred stutt eftir hálvleik legði FC Suðuroy á odda 1-0.
TB royndi seinasta korterið av dystinum at trýsta, men hetta gav ikki nakað úrslit. Og tá onki annað mál kom í dystinum, so vann FC Suðuroy dystin 1-0.
Hetta er fyrstu ferð síðani 29. august í 2012, at FC Suðuroy vinnur eina grannauppgerð ímóti besta liðinum hjá TB.
Facebook viðmerkingar