Anne Mette Greve Klemensen prestur til Dansibands-gudstænastuna

Dansibandsfestivalurin: Dansibands-gudstænastan er ein av týðandi pørtunum á skránni á Dansibandsfestivalinum í Vági. Hesa løtuna, seinnapart leygardag á Dansibandsfestivalinum, leita fólk úr øllum ættum vestur í Vágs Høll at njóta løtuna til Dansibands-gudstænastu.

Vit eru sera fegin um, at Anne Mette Greve Klemensen, sum er prestur í Fuglafjørði, kemur at verða prestur til Dansibands-gudstænastuna í ár.

Skráin fyri Dansibandsfestivalin verður tøk í komandi viku, tá fæst eisini nærri at vita, nær leygardagin á Dansibandsfestivalinum gudstænastan er.