Starvsmannafelagnum fegnast um, at eftir aðalfundin leygardagin er meirilutin í nevndini kvinnur.
Hetta er fyrstu ferð í søgu felagsins, at kvinnurnar eru í meiriluta í nevndini.
Nývaldar eru tær báðar Birita F. Kjærbæk og Borgný Mohr, sum vórðu valdar á aðalfundinum hjá felagnum í gjár, 7. mars 2020, har eisini Súni Selfoss varð afturvaldur til formann.
Nevndin er nú hendan:
Ovast f.v: Súni Selfoss, formaður og Hilmar Augustinussen.
Niðast f.v: Borgný Mohr, Noomi K. Rasmussen og Birita F. Kjærbæk
Varalimir eru: Svend Erik Saxov og Jóngerð Simonsen
Vit í umsitingini ynskja bæði fráfarandi, verandi, ný- og afturvaldum blíðan byr og gott samstarv í álitisstørvunum.
Facebook viðmerkingar