Í dag varð fyrsta skotið skotið í Fámjinstunlinum. Tað var Egon Rasmussen, elsti borgari í Ørðavík, sum lat fyrsta skotið av.
Áðrenn hetta hevði Sigurd L. Lamhauge, stjóri á Landsverk bjóðað vælkomin og flutt fram røðu.
Fakta um Fámjinstunnilin:
Fámjinstunnilin verður umleið 1200 metrar langur, við tveimum breytum. Tunnilin far alla ta kravdu trygdarútgerðina, ið ein tílíkur tunnil skal hava í dag. Tað er LBF, ið hevur staðið fyri prosjekteringini av verkætlanini.
Avtalan við J&K Petersen er á umleið 150 mió kr, men samlaði kostnaður fyri alla verkætlanina, er mettur at vera 207 mió kr. Seinni í ár er ætlanin at bjóða el-arbeiðið í tunlinum út, ið er alt arbeiðið, við eitt nú ljósum og trygdarskipanini.
Facebook viðmerkingar