![](https://sudurras.fo/wp-content/uploads/2023/07/IMG_5303-rotated.jpeg)
Aftaná góðu føroysku úrslitini á Oyggjaleikunum mánadagin, fingu Føroyar aftur í morgun góð tíðindi: Oyggjaleikirnir 2031 verða í Føroyum
À aðalfundinum hjá Oyggjaleikanevndini í morgun bleiv kunngjørt, at Føroyar verða vertur fyri Oyggjaleikunum 2031. Á aðalfundinum bleiv kunngjørt, at ein samd Oyggjaleikanevnd hevur samtykt, at Føroyar eru “preferred bidder for the 2031 games”. Hetta merkir, at arbeiðið at fyrireika Oyggjaleikirnar 2031 kann byrja.
Seinastu og einastu ferð oyggjaleikirnir hava verið í Føroyum, var í 1989. Sostatt koma tað at verða 42 ár ímillum fyrstu og næstu føroysku Oyggjaleikirnir.
- Oyggjaleikirnir í 1989 vóru ein stór hending fyri føroyskan ítrótt og fyri føroyska samfelagið í síni heild. Eingin ivi er um, at Oyggjaleikirnir í 2031 aftur verða ein stór hending fyri føroyskan ítrótt og Føroyar, sigur Elin Heðinsdóttir Joensen, forseti í ÍSF.
- Vit eru klár og fara alt fyri eitt undir fyrireikingararbeiðið, sum kemur at seta stór krøv til okkum øll. Í hesum sambandi gleðast vit um, at politiska skipanin eisini ynskir at verða ein aktivur viðspælari, sigur Elin Heðinsdóttir Joensen, forseti í ÍSF
Myndatekstur
Elin Heðindóttir Joensen, forseti í ÍSF og Jorgen Pettersson, formaður í Oyggjaleikanevndini.
Facebook viðmerkingar