Mynd: Bjartur Vest
Í einum samanstoyti í samband við horna hjá TB fekk Salmundur Bech hjá FC Suðuroy somikið álvarsligan skaða í andliti, at hann í dag er farin til Danmarkar undir skurð.
Ein albogi í høvdið og eina rivu undir eyganum, og Salmundur mátti av vøllinum. Rivan varð seymað eftir dystin, men staðfest varð eisini, at eitt brot er á einum beini á kjálkanum, undir eyganum. Staðfest varð eisini, at tað hevði týdning at fáa brotið sett saman aftur innan 24 tímar orsaka av nervum og øðrum í økinum undir eyganum. Tíðliga í morgun gekk leiðin tí til Danmarkar, har Salmundur verður skurðviðgjørdur í dag.
Facebook viðmerkingar