Seinasta sunnudag kom Galaxy til landið, og liggur nú við bryggju á Krambatanga á Tvøroyri.
Í hesum sambandinum vil Strandferðslan tí bjóða øllum hjartaliga vælkomin umborð á Galaxy, til opið skip:
Hósdagin 21. august frá kl. 16:00-18:00.
Á henda hátt kunnu kundar og ferðandi nýta høvi at síggja avloysaraskipið og gera seg kendan við umhvørvið umborð.
Galaxy byrjar í sigling á Suðuroyarleiðini leygardagin 23. August, og fer at røkja Suðuroyarleiðina ímeðan Smyril er í dokk og til 20 ára klassing. Dokkingin av Smyrli fer væntandi at varða í áleið 8-10 vikur.
Facebook viðmerkingar